شوفو بقى مفيش حاجة تغيظنى وتنرفزنى قد البنت اللى معندهاش حياء
والولد اللى مش راجل كده وجدع ويعتمد عليه
قال ايه فى عيال اسمهم جماعة الايمو
قال العيال دى حزينة ومكتئبة وتميل للحزن
تلبس الاسود تعبير عن الحزن
بيطولو شعرهم من قدام ويدارو عنيهم
يا حلاوه
وقال ايه عددهم بالالاف
وقال ايه بيقطعو ايدهم او وجوههم للخروج من الالم النفسى للالم الجسدى
ركزو معايا
ويميلون للعزلة والبكاء
وقال ايه هما اللى رسمو رسومات وسط البلد
تعبير عن الغضب علشان الامن بيطاردهم
علشان فى مذيع وحش قال عليهم بيعملو حاجات مش كويسه
وهما مش كده خالص دول مسالمين وعايزين يعيشو حياتهم
زى ما هما عايزين دول لسه محتفظين بتعاليم الدين
يا حالولى يا ولاد
وبيقولو احنا كتير ومنتشرين فى كل المحافظات
وانهم مش جماعة لا سياسية ولا دينية
وانهم لا يمثلون اى خطر للامن العام
اف قرفت والله جدا جدا من الحاجات الغريبة اللى بتظهر فى بلدنا دى
قرفت جدا مش دى بلدنا يا جدعان
مش دول ناسها خالص
بلدنا كنا كلنا عايشين فيها لينا اسم واحد مصرى الجنسية
مسلم او مسيحى عادى مش فارقة لان الاخلاق واحدة
الروح واحدة جدعان وطيبين
صفات الشهامة والاحترام هى اللى كانت جامعانا
دلوقتى ازى الحال
الحمد لله فى السراء والضراء
فوقو بقى ايموز ايه
انت راجل عارف يعنى ايه راجل
يعنى انسان محترم اخلاق دين
فين الدين عندك
انت خليت شيطانك يتغلب عليك
المفروض تحاربه وتبقى اقوى منه
فين انت من الحياة بتعمل ايه بتقعد على الكافيه
تبكى حالك
قوم اتلحلح
سيبك من الغم اللى انت عامله ده
المفروض انك فرد منتج والحمد لله سليم معندكش اعاقة
والله ان فى ناس معاقة فاتحة بيوت زى الفل
يا دى المصيبة لو الحرب قامت هتقعد تعيط وتقول اصل انا ايموز
العيال الايموز دول مش عايزين غير اب وام
فين اهاليهم العيال دى
يعنى فين ابوه وفين امه
يادى النيله دا انا خليت الموضوع كبير دول يا دوب كام الف فى وسط ملايين
دا الدكتور احمد زايد دكتور علم الاجتماع وعميد اداب القاهر قال للمصرى اليوم
انهم منتشرين فى العالم كله ووجودهم هنا يدل على اننا مجتمع طبيعى رغم اعتراضنا عليهم
وان مطاردة الامن لهم ستحول الموضوع الى قضية راى عام وستجذب تعاطف الكثيرين
وان رسوماتهم وشعاراتهم من باب الرغبة فى التميزوانهم ينتشرون فى شرائح معينة من المجتمع تتسم بالثراء
يا ناس يا ناس الدين والاخلاق
الترابط الاسرى
الحب
يارب نور بصيرتى وبصيرة اولادى وكل مسلم
وكل من عاش تحت سماكى يا مصر
هناك 29 تعليقًا:
والله الايمو دول اكتر حاجه بتنرفزني
تحسي كده انهم حاجه عجيبه مكلكعه ف بعضها
وكلامهم يغيظ بالذات لما يقولك انا متدين وبصلي
هما اساسا عارفين الايمو بره دول ايه
دول عبده شياطين
الجماجم والعلامات بتاعتهم ولبسهم الاسود والبينك وانقيادهم لتجريح نفسهم ده ايه
ده ضعف ايمان ولا ايه
و ع رأيك فين اهاليهم دول
ادي اليناقص يطلعلنا ف مصر ايمو والتراس وهوليجانز ايه ناقص بقى
ربنا يهدي
لا اله الا الله
هما رجعوا تانى ؟؟؟ اللى انا اعرفه ان الجماعه دى انتهت من فترة من مصر.. بس من الواضح انها مستمرة و بتكبر
بس غريبه قوووى راى الدكتور .. يعنى ايه مجتمع طبيعى ؟؟ ده حتى زمان المسلم و المسيحى كانوا عارفين انهم فى مجتمع شرقى و بيحترمه عاداته مش هقول بقى المسلم بس اللى المفروض يمشى تبع تعاليم دينه
هو الدكتور ده نسى اننا فى مجتمع شرقى ولا هو خلاص الاسم ده انقرض و بقينا شرقاروبى؟؟!!!
ربنا يرحمنا برحمته
السلام عليكم
أنا كنت سمعت عن حكايو رسومات وسط البلد والاستيكرات دى فى برنامج العاشرة مساء بس مكنتش اعرف انهم جروب اسمهم الايموز.. يعنى هم لما عملوا الرسومات دى عبروا عن غضبهم.ز طب الرسومات دى كان شكلها كأنها واحد ماسك مقشة وبيكنس اارض.. هم مقالوش بقى معنى الرسومات دى ايه؟؟ عندى فضول اعرف.. هم بيقولوا انهم لسه متمسكين بمبادىء الدين طب هم بيدرسوا ايه وبيشتغلوا ازاى وايه الدين اللى بيدعوهم للاكتئاب دا والعزلة والحزن؟؟؟؟
فعلا حاجة غريبةجداً لما اي راجل يتخلي عن رجولته دي
احنا بنشوف دلوقتي ف الدول الاوربيه الراجل بيتخلي عن نفسه
حتي ف هرموناته الذكورية زي تجربة حمل الرجالة والبنت ال حولت نفسها
وبعد كدة بقيت حامل وهي راجل العالم كله سواء رجاله وستات
بقوا بيتخلوا عن مبادئهم ونفسم ف سبيل حاجات لا ليها علاقة بدين ولا عرف ولا وطن
ولو كنتي سمعتي ياماما عن الجوجليون ؟؟
دول كمان فئة طالعه ف اوربا علي النت بس ربنا يستر ومتوصلش البلاد العربيه
بيعبدوا محرك بحث جوجل وبيعتبروه إلاه الواحد مش قادر يقول غير
ربنا يستر من ال جااااي
تحياتي ليكي ياماماتي
ايموز وملحدين وعلمانين ومتطرفين وحاجات ثانية كثير
وطول ماحنا عايشييييين ياما هنشوف
يعنى هما مكتئبين و الناس عايشه فى سعاده ماكلنا عندنا مشاكل مش حل ابدا اننا نلخبط شكلنا و نلبس اسود و نربى شعرنا ، والله المسأله ماهى ناقصه ، هما معظمهم صغيرين جدا فى السن طبعا و متابعين بقى للغرب فمن هنا جه التقليد ، لأن الايموز الحقيقيين بره اصعب من كده واخطر من الشباب عندنا بمراحل لأنهم بيقطعوا فى اجسامهم عشان ينسوا الألم النفسى وواضح طبعا ان ده مرض نفسى بحت وكمان بيتبعوا ديانه خاصه للسحره ومعظمهم مش كلهم شواذ جنسيا، يعنى الشباب عندنا دول واخدين الظاهر بس اللبس و الطريقه بس مش العادات بتاعتهم الحمد لله انها جت على قد كده، بس يجى هنا دور الاهالى طبعا يعنى اكيد شايفين الحاله اللى وصل ليها اولادهم و شكلهم الغريب المنعكش ، و على فرض انهم بيعملوا كده عشان محدش حاسس بيهم ولا بيسمعلهم و انهم حزانى طيب الاهل بقى يعالجوا الموضوع ده و يلاقوا حل للحاله دى، ولازم يعرفوا ان دى مش طريقه اعتراض ابداو الا كانوا الناس بطلوا اضرابات و اعتصامات و لبسوا اسود وربوا شعرهم و بكده الحكومه تفرح بينا على الأخر ، و بالمناسبه نشرت جريده مصريه لبنت من الايموز فى تانيه اعدادى توضيح عن الجماعه بتاعتهم بتقول فيه يا جماعه اطمنوا اللى عاوز يبقى ايموز التى شيرتات مش غاليه ب 200 جنيه بس
و الله الواحد لما بيسمع عن الحاجات دى بيخاف على أولاده من الزمن اللى جاى بس مش فى ادينا حاجة إلا اننا نغرس فيهم الدين الصح والأخلاق الصح وندعيلهم إن ربنا يكون معاهم.
دعاء
مونى حبيبتى اهلابيكى بيقولو الايموز غير عبدة الشيطان وغير مش عارفة ايه ومش عافة مين
دول عاوزين علاج جماعى جروب ثيربى يعنى
حد يقعد معاهم يسمعهم ويخليهم يقولو كل اللى هما عاوزينه يمكن نفهم هما عاوزين ايه بالظبط
اشكرك اختى sweet violet لزيارتك ويا رب متكونش اخر زيارة مع وعد منى بزيارة مدونتك ان شاء الله
هو الدكتور بيفسرها من الناحية العلمية البحتة من وجهة نظر علم الاجتماع حتى قال رغم اعتراضنا عليهم
وبعدين هى تقاليع غريبة ربنا يعفينا واياكم منها
اهلا باربى منورة مدونتى المتواضعة
فعلا والله ايه معنى الرسمة واحد راسه مقطوعة وماسك مقشة مش عارفة
وبعدين فعلا بيعملو ايه انا قرات انهم مراهقين يعنى تلاقيهم طلبه
اهلا قلب جوجليون كمان يا نهار ملون بكل الالوان الغامقة اللى فى الدنيا حرام ده كفر والعياذ بالله
بس العيال الايموز دول بيقولك لسه محتفظين بدينهم لا بجد طمنونا
ربنا يستر اخ احمد ويطلعنا من الدنيا على خير
بسنت اهلا بيكى
والله فعلا اول حاجة خطرت على بالى ان فين اهلهم يعنى
يعنى الاب والام المفروض انهم جوا حياة ولادهم مش براها يعنى الاعمال والبيزنس خلاص للدرجة دى
وبعدين لو علشان الهموم نلبس اسود ونكحل عنينا اسود هباب والرجالة تقعد تعيط يبقى خلاص عليه العوض
دا ربنا خلقنا لعبادته سبحانه وتعالى ولعمران الارض
ربنا يهدينا لما يحبه ويرضاه
اهلا اختى دعاء والله فعلا مفيش قدامنا غير استرلتيجية تربية الاولاد على الدين والاخلاق والاصول كحل امثل للتصدى لكل ماهو آت
اللهم بارك لنا فى اولادنا واجعلهم قرة اعين لنا
آمين
العيال دول عالم فاضية ومقرفين دول لو لهم اهل بتربيهم مكنوش عملوا كدة والله يرحم رجالتك يامصر اية القرف الى احنا فية دة المجتمع المصرى رايح على فين ياجدعان كدة مش حلو مش كفاية ان ميقاش فية رجولة وشهامة بجد ناقصة هى ايموز وزفت ارحمنا يارب مش كفاية الاهلى حارق دمنا ياشباب مصر عودوا الى الله كفانا مانحن فية
اهلا اخ منوفى اتفق معك فى الراى ان غياب الاهل وتناسيهم دورهم فى التربية ادى الى وجود بلاوى مش بلوة واحدة
ربنا يستر الباقى من عمرنا
السلام عليكم
بشكرك جدا ع الموضوع انا اول مرة اسمع عنهم
بس انا ماستغربشي حاجة تحصل لشبابنا بعد موضوع عبدة الشيطان بس هم سموا نفسهم ايموز نسبة الي الموز
دمتي بخير
وعليكم السلام ورحمة الله وبركاته اخت ذكرى
ربنا يهديهم ويهدينا جميعا
ربنا يخرجنا منها على خير
والله الواحد اتخق من هذا العبث
بس ااقولك اهلهم فين؟؟؟؟؟؟؟؟؟؟؟؟
هو الدنيا جرى فيها اية؟
ويا ترى الغلط فى مين فى اهل الاولاد دول والا المرسة والا اية بالضبط
ربنا يحفظنا يا رب
انا اول مرة اسمع عن الموضوع دة؟؟
يالهوى انا كل دة نايمة على ودانى
اة ربنا يهدى والله
عووووووو
اهلا اختى الفقيرة الى الله
نسال الله لنا ولهم الهداية
اهلا ندا المجتهدة
الغلط اكيد هو غياب الاهل عن حياة اولادهم
اهلا كيكى اول زيارة لكى اتمنى ما تكونش الاخيرة
ونسال الله السميع العليم الهداية لنا ولهم
ازيك يامامة وحشتيني :)
قلب كيفك حبيبتى عاملة ايه
واللا اقول يا غادة
اتمنى تكونى بخير
انا اول مرة اسمع عن الجماعة دول
دول بيفكرونى بعبدة الشياطين
وفين الدين دة الى هما متمسكين بيه
هما لو مؤمنين عن حق مكانوش سابوا شيطانهم يلعب بيهم ويقطعوا اديهم و وجوههم ومحمدوش ربنا على النعم وفاكرين الابتلاء بس وناسيين النعم
ربنا يهديهم ويسترها علينا جميعا
اهلا نونى من جديد ربنا يستر على اللى باقى من عمرنا
نفسى اعرف ليه
نفسى اعرف بيعملو كده ليه
دا طريق ربنا مفيش اسهل ولا اوضح منه
ربنا يهدينا لما يحبه ويرضاه
ربنا ولا تؤاخذنا بما فعل السفهاء منا
بجد بجد حضرتك راجل محترم انا حبيتك لانك بتحب مصر وبصراحة بقى انت عندك حق انا كان هيجيلى الضغظ وانا بتفرج عليهم دمى اتحرق ما احنا شباب اهه وزى الفل متضايقين وقرفانين بس بنحاول نعمل حاجة مش هنقعد نحط ادينا على خدنا اقصد الى زغلان على حاله بيغير مش بيتفرج عيله ويعيط دول عيال مش رجاله اصلا
تقليد اعمى من ناس لا عندها شخصية ولا دين ولا عقل
إرسال تعليق