بنتى حبيبتى ميرو
احلى حاجة فى حياتى
شبهى وشبه باباها
يعنى قمر من الاخر
بنت شاطرة فى المدرسة تلميذتى النجيبة
واخلاقها ممتازة مطيعة وهادية
لكن ساعات شعنونة ولذيذة
نور عين ابوها
غاوية قراءة ومبتفوتش عدد للعربى الصغير
بتفكرنا اخر الشهر بعدد الشهر اللى بعده
الحمد لله علمناها الصلاة وبتصلى ربنا يهديها
محافظة على الصلاة من يوم ما علمناها
لقيتها فى يوم جاتلى المطبخ وهى بتعيط
وقالتلى ماما انا حاسة ان ربنا مبيحبنيش وانى هدخل النار
سيبت اللى فى ايدى مخضوضة وسالتها ليه ياحبيبتى بتقولى كده
قالتلى علشان مش ب اصلى
قولتلها يا حبيبتى معلش
اكمنك لسه صغيرة بس احنا مش بنكلمك على الصلاة
رسول الله صلى الله عليه وسلم امرنا نعلم اولادنا عند سبع سنين
وانتى خلاص فاضل شهر وتكمليهم
وعلى العموم يلا بينا تعالى اعرفك الوضوء ازاى
وكمان الصلاة ولما المغرب ياذن نقوم نصلى سوا وزى ما هعمل اعملى
فرحت جدا جداوتغير وجهها الجميل بابتسامة حلوة
وقلت يا رب بارك فيها وابعد عنها الشيطان والحسد
درجاتها ممتازة دايما ويوم ما خدت شهادة التقدير من المدرسة
كنت فرحانة جدا جدا وهى كمان كانت طايرة من السعادة
هى حبيبتى وصديقتى ونور عينى
بتحب اللون الروز جدا لدرجة ان الدنيا كلها روز اللبس
الكراريس و الاقلام
كل حاجة عندها روز بنحاول نغير شوية دلوقتى
بتحب الرسم والالوان جدا
بتحب تكتب قوى ممكن تكتب قصة جميلة اوشوية شعركده
كتبت مثلا زهورى و يا عصفورى
وكتبت قصة شوشو اللطيفة وحاجات كتير حلوة
هى فى تانية ابتدائى دخلت صغار سن
بس غاوية قوى الحاجات دى
طالبة مكافئة الوان ماء لما تنجح فى الترم الثانى
وفى الترم الاول كانت طالبة خرز تعمل عقد وانسيال
جبناهم لها طبعا وكانو على شكل نجوم ملونة
احنا اتفقنا معاها ان كل واحد فى البيت له شغل
بابا شغله برا البيت وانا جوه البيت
وهى المذاكرة ومازن اللعب
ربنا يحميهم لى ويخليهم ليا
انا من غيرهم ولا حاجة
هناك 20 تعليقًا:
...
البرقية الاولى بمناسبة أن العضو قال وايه يعنى لما بنبوس ايد المرشد بتاعنا طيب ماأنت بتبوس أيد الريس (على المعارض) وكمان قاله أحنا بنبوسها زى ما أنت بتبوس ايد أبوك وأمك
أما ميرو ديه عسل ,احب اقولك أن أنا بدلع أبنى الصغير ميرو برضة :)
يادى الهنا يادى النور منى هنا اهلين ومرحبتين
مامة مازن
ربنا يبارك فيها يراب ويجعلها وأخوها من الصالحين
عليك بقى بانك تبدأى توديها دار تحفيظ قرآن ..هتلاقيها ماشااء الله بتحفظ وهتخليك انت كمان تقرأى معاها..بجد فظ القرآن شئ مريح ورائع وبيحسن حاجات كتيير
واجمل شئ ان بنوتك بتحب الاشغال الفنيه
طيب فى مدونه لواحده حبيبتى حاطه فيها طريقة عمل ميداليه من الخرز
هاحط لك اللينك
http://mestka7abhan.blogspot.com/2008/08/blog-post_30.html
وفى الأجازة ان شاء الله تعملها..هتبقى رائعه وممكن كمان تقدمها هدايا
نمى فيها كل الاشياء اللى بتحبها علشان محدش عارف يمكن بكرة تبقى مصممة ازياء ولا رسامه عالميه مسلمه رائعه
ربنا يحفظ أولادنا يارب ويبارك لنا فيهم
نورتى مدونتى ..واشكرك على الزيارة بس احب اعرفك ان مدونتى الرئيسيه هى أم البنات ام بعض منى.زبكتب فيها قصص وخواطر واى شخبطه بتطلع من جوة لبره تريح
مرة تانى مبسوطه انى اتعرفت علك وعلى منى
بخصوص كلمة التأكيد ياريت تشيليها والطريقه اهى
تدخلى على الصفحه دى
http://www.blogger.com/blog-options-basic.g?blogID=7624219330737666952
وبعدين تختارى التعليقات
http://www.blogger.com/blogoptionscomments.g?blogID=7624219330737666952
فى صفحة التعليقات هتلاقى
ظهار التحقق من الكلمات للتعليقات؟
اختارى لا
وقتها هتختفى الكلمة اللى لازم نحطها علشان الإرسال
الكلمة دى بتزهق الناس..انا لاء بس يستحسن علشان ممكن حد عاوز يعلق عندك ويلاقيها يزهق منها ويمشى
وربنا يتقبل ان شاء الله
شكرا جزيلا افادكم الله
انا كنت فاكرة انها لازم يعنى
شكرا جزيلا
ربنا يبركلك فيها ويفرحك بيهم
ويخليهم ليكى
شكرا جزيلا اختى ام البنات
ربنا يبارك فى اولادنا واولاد المسلمين اجمعين
وشكرا على المعلومات القيمة
واول ما تبعتى لمنى اسماء المواقع التعليمية اللى قولتى عليها هدخل واحاول اثقف نفسى شوية
احسن الواحد تايه حبتين
نونا اهلا نورتينا
شكرا جزيلا لزيارتك
ربنا يوفقك وبنات المسلمين
ماشاء الله ربنا يارب يخليهملك ويباركلك فيهم
وعلي فكرة انا زي ميرو بموت ف اللون الروز :)
بحس أنه ملائكي كده وأكيد بتبقي فيه زي الملاك
شكرا ياقلب هى فعلا كده وده فعلا احلى لون عليها
ما شاء الله تبارك الله
ربنا يحميها ويحفظها ويخليكم ليها
ويباركلكم فيها يااااااااااااارب
ربنا يخليكى اختى قمر
وعقبال ما اشوفها عروسة مخها كبير زيك
يارب يباركلك فيهم ويكونوا من افضل الناس في الدنيا كلها وتشوفيهم ذي ماتتمني يارب
يا رب اختى ايمان ربنا يستجيب لدعواتنا جميعا
واشكرك على زيارتك مدونتى المتواضعة
أشكر لك مرورك الكريم على مدونتي وأشكر لك تعليقك
ومدونتك جميلة جدا وفيه موضوعات شيقة وبالنسبة للأسئلة فسؤال ابنتك حماها الله أهون من سؤال أحمد ابني حين جائني في الفصل ليأخذ مصروفه (حضانته في نفس المدرسة التي أعمل بها )الذي نسيت اعطائه له لسوء حظي فقد كان عندي لجنة متابعة ورفع أحمد عينه ليجد صورة (.......... ) معلقة في الفصل قال لي (مش دي صورة الراجل اللي انته بتعد تقول حسبنا الله ونعم الوكيل فيه ........................
شكرا اخ ادهم على زيارتك المدونة والتعليق فيها
وربنا يبارك فى اولادك وسؤال ابنك احمد دليل ذكاء وقوة ملاحظة وادعو الله ان يجعل مستقبل اولادنا احسن من ماضينا وحاضرنا ومستقبلنا
ماشاء الله عليها ربنا يباركلك فيها، طبعا زى العسل هى هاتجيبه من بره طالعه لمامتها، بس انا بطالب بقى انك تكتبيلنا قصه من قصصها، انا مليش دعوه خلاص ،دلوقتى بقى ليها معجبين و يالا انا فى أول الصف
ماشى يا بسنت بس دى عندها 7 سنين وشهرين هتستحملو قصصها
ربنا يباركلك فيها ياااااااااااارب هى ومازن يارب طبعا بنوتة زى العسل زى مامتها وباباها ربنا يباركلك فيهم يارب
اهلا بيكى حبيبة انا عارفة طبعا انك انتى الغير معرف ده بس بعد كده امضى اخر التعليق ماشى
نورتى ويارب تكررى زيارتى اختى الغاليه
إرسال تعليق