من اسهل طرق عمل الدجاج هى صينية الدجاج
فرخة غلبانة عادية جدا
عصير طماطم من النوع العال
بصلة كبيرة مكلبظة
قرن فلفل اخضر مفترى
جزرة حلوة مسمسمة
شوية بسلة محترمين
بطاطساية صغنونة
هنضرب الطماطم والبصل والفلفل علقة حلوة فى الخلاط
وبعدين هنقطع الجزرة وشوية البسلة والبطاطساية
ونحطهم فى صينيةوعليهم الفراخ ونعومهم فى الصلصةاللى ضربناها
وبعدين نرش شوية فلفل اسمر وحبهان وورق لورى
وبعدين ملعقة سمن وشوية ملح
ونحطهم على النار
هيتم نضجهم بسرعة ونهدى النار شوية
وبعدين نحطها فى الفرن
نعمل جمبها مكرونة مظبطة كده وسلطة
او شوية ملوخية ولاد ناس كده وارز
ياسلام بالهنا والشفا
اكلة تتعمل فى ساعة واحدة
وانا كمان مدياكو براح
اللى هتزود عن كده يبقى لازم تتمرن زيادة
يلا بقى بالهنا والشفا.
هناك 7 تعليقات:
يا سلام يا سلام اه بالله عليكى اتوصى شويه بالوصفات احسن انا داخله على جواز و مليش نفس ارجع بيتنا بعد اول اكله معتبره من ايديا....
محتاجاااااااااااااااااااااكي بجد يا مامة مازن
بتعرفي توصفي الأكل بسهولة
مش انا اللي عملت فرررررررررح ع حلة محشى ههههههه
منوراني وانا سعيدة جدا بالتواجد هنا
اشكرك بسنت لمعاودة الزيارة
واهلا بيكى سارة منورة هنا
شكرا لزيارتكم يابنات
الاكلة دى بصراحة اللى معلمهالى زوجى كان بيعملها ايام العزوبية والاضافات بقى من عندى
وحاضر يا بسنت جربى كمان البسكوت ده هتعجبك النتيجة
ههههههههههههههههههه مكلبظة وغلبانة ومفتري ومسمسمة
ده انتى عسسسسسسسسل والله العظيم
حلوة اوي الاكل وانا بموت في الاكل الاسيوي
ولما اتوكس واتجوز هاطلع عينه اكل من ده.. ماليش في عمايل حاجة غيره
ميرسي على الزيارة يا قمر
واكييييييد صحاب بعد الاكلة الحلوة ديه
سفرة دايمة يا اوختشي
اشكرك جدا فتافيت لزيارتك مدونتى
مدونتك حلوة ربنا يوفقك
طب بتعرفى تعملى بيتزا يا مامة مازن انا دايما بتطلع ناشفه منى وبكلها برده
أعمل ايى بحبههههههههههههها
وصفة جمييييله ومسمسمة
بس طب مفيش حاجة للدايت أصل انا خلاص طلع
عيني :)
تسلم ايديكي يامامة مازن
إرسال تعليق