مش فاهمة خالص حكاية 0900 دى
حل مسابقة اكسب مش عارفة كام
خط الجمال خط الرشاقة
اهو كله عبط وخلاص
ماشى رزق الهبل على المجانين
لكن اللى مش فاهماه خالص بقى
خط لحل المشاكل الزوجية
بسمع اعلانه على الراديو
يعنى ايه بيقولك اى حاجة
هنساعدك فى حلها
طب ازاى
مشاكل الزواج معروفة
يا اما اجتماعية او نفسية او مادية او طبية
طب يعنى ايه اتصل وهتلاقى الحل
يعنى احنا خلاص لا لينا مخ نحل مشاكلنا
ولا اهل ولااصحاب لاحاجة
طب دا احنا مبنرضاش ندخل اهلنا بينا وبنحل مشاكلنا بنفسنا
نقوم نتصل بناس منعرفهمش ولا حتى هما مؤهلين
وليه اصلا نتصل بخط0900
حاجات كتيرقوى جدا خالص غريبة
بتحصل فى الدنيا
من ضمنها0900 بكل انواعه
واغربهم بالنسبة ليا هو
خط المشاكل الزوجية
ماشى يا بنى آدمين
هناك 12 تعليقًا:
أخص عليكى كده تنسى سرحان ونفيسة وكرومبو وكمان الست الخاطبة والبنت بتاعة راجل وست ستات الصغيرة الى عملة فوايزير وبرضة كله أتصل ب - - - - لو عرفتوا الحل لا بجد أخص عليكى أخص
ونسيتى كمان أنا مستنكوا لو أتصلتوا من 12 ل 2 أو مش فاكرة كام - ايه بجد أنت ظالمة أخص
نسيتهم ازاى دول ضيوف تقال حد ينسى ضيوفه الرخمة برضه
بس ده على راى الشباب تهييس لكن الغريب فعلا هو الخط بتاع المشكلات الزوجية ده
مكانش حد غلب
امممم
فعلا بقت مشكله فظيعة والناس متفاعلين معاهم
بطريقه تغيظ وكأن الحل بقي بالنسبالهم تكة زرار
بس ال بيصدق كده يستاهل يتنصب عليه (:
تحياتي ليكي ياقمرر,,,
قلب فينك وفين الحاجات الجميلة بتاعتك
كل يوم كده حتة صغننة
ماشى اوعى تنسى
حبايبى الحلوين ربنا يوفقكم جميعا
ويبعد عنكم عيون كرومبو المعفنة وبدلته الاعفن وصوته الاغبى ويبعد عنكم سرحان العبيط ونفيسة الهبلة
يا سلام على اللغبطة البتاع بيظهر التعليقلت او يخفيها لوحده
طب اما اجرب ده هيطلع واللا ايه ولو طلع مش هحذفه احسن يمسح اللى قبله
انا بقدر أشوف تعليقاتك لغاية دلوقت مش بتضيع معلش أحنا لسة فى الاول برضة
علي فكرة كل ده نصب ×نصب بس هانعمل ايه ما الدنيا كلها بقت كده دلوقتي وعجبي علي الدنيا واللي فيها يعني هي جت علي الفوازير
(من ايمان)
لا خالص مش الفكرة اللى تهمنى هى الفوازير
اهى ناس بتضحك على ناس
وناس من كتر الهم بتتشعلق فى حبال دايبة
الفكرة هنا خط حل المشاكل الزوجية يعنى انا بصراحة مش مقتنعة بيه ابدا
واشكرك مرة تانية على اهتمامك وقراتك
اى حد بيدخل المدونة وبيقرا فيها بيكون ادانى من وقته ودى حاجة مش عارفة اشكرها ازاى
لا اللى يغيظ بقى اعلان شقه الاحلام و برضه اتصل على 0900 تكسب الشقه كده من غير سؤال حتى يعنى حفظا لماء الوجه،تفتحى القنوات المحليه تلاقى 0900 تفتحى القنوات الفضائيه تلاقى 0900 ده ناقص تفتحى التلاجه تلاقى 0900 والله منتهى الأستخفاف بعقول الناس
عندك حق والله يا بسنت يا اختى
يا بسنت 0900 دلوقتى بينقط من حنفية الميه
إرسال تعليق