الحب هو
الحب هو اخلاص
الحب هو احترام
الحب هو تفاهم
الحب هو مسئولية
الحب هو تحمل
الحب هو عزة نفس
الحب هو رحمة
الحب هو حنان
الحب هو تفانى
الحب هو جدعنة
الحب هو صبر
الحب هو انى ابتدى ونيتى كلها خير
الحب هو انى اتقى الله
يعنى ما ينفعش نحب واحنا بنجرب
الحب يعنى زواج
الحب هو الحاجة اللى بتبتدى ببداية الزواج
يعنى اى شوق اى لهفة اى احساس او معنى تانى للحب لا ينضج ولا يحلى الا بالزواج
ازاى يعنى
هو كده
بتحبها اه طبعا بحبها طيب حاولت تشتغل علشان تعرف تخطبها لا انا لسه طالب طيب ايه يمنع مفيش وقت يعنى ايه مفيش اجازة دى الفترة اللى بريح فيها
من ايه هو انت بتفحت يعنى بقى يعنى ايه حاول اجتهد دى معتمدة عليك ظروف الكل ملغبطة
لا معلش ملكش دعوة بالكل اللى عايز يعمل حاجة بيعمل حتى لو بسيطة هتلاقى ربنا يسهلو ويسخرلو المساعدة
على العموم لسه بدرى بدرى ايه بدرى من عمرك
ده حوار اكيد كتير مننا اتكلمه مع حد
الحب مسئولية يا شباب مش يومين حلوين
الحب مسئولية يا بنوتة مش اى حد يقول بحبك نصدقه
لازم احس انه بيعمل حاجة علشانى لازم احس انه محافظ عليا
مش يلا نتقابل اروح من ورا اهلى
حطى ربنا قدامك
حطى صورة بابا قدامك
عمرك ما هتعملى غلط
مش معنى كلامى انى ضد الحب بالعكس انا اتجوزت عن حب وكان زميلى كمان
لكن كنا بنتقى ربنا وبنخاف على اهلنا وتعب علشانى وانا رضيت بالقليل علشانه
هو ده الحب هى دى الدنيا
الحب هو اخلاص
الحب هو احترام
الحب هو تفاهم
الحب هو مسئولية
الحب هو تحمل
الحب هو عزة نفس
الحب هو رحمة
الحب هو حنان
الحب هو تفانى
الحب هو جدعنة
الحب هو صبر
الحب هو انى ابتدى ونيتى كلها خير
الحب هو انى اتقى الله
يعنى ما ينفعش نحب واحنا بنجرب
الحب يعنى زواج
الحب هو الحاجة اللى بتبتدى ببداية الزواج
يعنى اى شوق اى لهفة اى احساس او معنى تانى للحب لا ينضج ولا يحلى الا بالزواج
ازاى يعنى
هو كده
بتحبها اه طبعا بحبها طيب حاولت تشتغل علشان تعرف تخطبها لا انا لسه طالب طيب ايه يمنع مفيش وقت يعنى ايه مفيش اجازة دى الفترة اللى بريح فيها
من ايه هو انت بتفحت يعنى بقى يعنى ايه حاول اجتهد دى معتمدة عليك ظروف الكل ملغبطة
لا معلش ملكش دعوة بالكل اللى عايز يعمل حاجة بيعمل حتى لو بسيطة هتلاقى ربنا يسهلو ويسخرلو المساعدة
على العموم لسه بدرى بدرى ايه بدرى من عمرك
ده حوار اكيد كتير مننا اتكلمه مع حد
الحب مسئولية يا شباب مش يومين حلوين
الحب مسئولية يا بنوتة مش اى حد يقول بحبك نصدقه
لازم احس انه بيعمل حاجة علشانى لازم احس انه محافظ عليا
مش يلا نتقابل اروح من ورا اهلى
حطى ربنا قدامك
حطى صورة بابا قدامك
عمرك ما هتعملى غلط
مش معنى كلامى انى ضد الحب بالعكس انا اتجوزت عن حب وكان زميلى كمان
لكن كنا بنتقى ربنا وبنخاف على اهلنا وتعب علشانى وانا رضيت بالقليل علشانه
هو ده الحب هى دى الدنيا
هناك 9 تعليقات:
فعلا الحب بقى محتاج اكتر من الكلام خصوصا فى الزمن ده، بس تقولى ايه بقى للبناتيت الحلوين بيدوخوا من كلمتين حلوين ههههههه و على فكره انا منهم،بس لازم كل واحده تعرف ان الحياه مش كلها وردى ،نحب اه و لو شايفه ان اللى مرتبطه بيه ظروفه صعبه شويه و غالبا كل الناس كده دلوقتى تقفى معاه و تسانديه، بس على الأقل يبقوا حاطين خطه لمستقبلهم و يتعبوا شويه عشان حبهم ،لازم تعملى وقفه عشان تعرفى العلاقه دى رايحه على فين و عمر ماحد هايحس بحلاوه الحب غير لو كان الحب ده فى النور و حاسه انك بتاخدى حاجه من حقك مش من ورا حد، الحمد لله انا خطيبى وفر عليا الوقفه دى من اول يوم ارتبطنا و حبينا بعض فيه واحنا بنعمل كل اللى نقدر عليه عشان ربنا يجمعنا و فعلا ربنا لما بيحس ان النيه كويسه بيساعد كتير، و ده اللى بيخلى الحب يقوى لما تحس ان فى حد بيحترمك و بيعمل كل حاجه عشان يسعدك ، و اخيرا وكلامى للبنات اللى عاوز يعمل حاجه بيعملها حتى لو ظروفه وحشه بيبان هو بيحاول يغيرها و لا بيعيشله يومين...
الحب بمعناه الشامل الواسع هو ما يحلى اى خطوة بنخطيها فى الدنيا
اماالحب الحب يعنى ده حاجة ولا اروع مفيش شعر او غنوة قدرو يعبرو عن حبى لحبيبى وزوجى ابو العيال
حبيته جدا جدا وزاد حبى ليه لما لقيته بيخاف عليا
بيحاول يعمل حاجة علشانى وكان لسه فى الجامعة قولت بس هو ده يا بت استنيه وخليكى معاه هو ده
الحب احترام ومسئولية
يا رب يرزقنى بحد يحبنى ويكون على قد المسؤلية ادعولى
يارب يوفقك وبنات المسلمين
جدعة ويارب يحفظ كل الشباب والشابات بس ساعات برضة لما الحب بيبقى فى الطريق السليم والدغرى ربك مش بيريد فربنا يرزق كل واحد وواحدة بحب حقيقى يملاء حياتها
اشكرك جدا لانك ادتينى من وقتك وقراتى كلماتى البسيطة
طبعا كل شىء قسمة ونصيب بس برضه العقل والاجتهاد مطلوبين
انا عمري ماحبيت يامامة مازن بس بجد نفسي أحب واتحب علي فكرة انا طالبة في الجامعة لكن عمرى ماكلمت ولد في الجامعة أو خارجها فيما عدا اقاربي طبعا انا عمرى كمان ماأعجبت بحد ومش عارفة هل انا صح ولا لأه انا أصلا بضرب لخمة لما بكلم اي دكتور او اي حد من الجنس الأخر مش عارفة ليه المهم ان انا انهارده في واحد جه بيتنا عشان يخطبني وانا حتي من كسوفي رفضت اقدم العصير ومدخلتش مش عارفة اعمل ايه هو ولد محترم جداااا سمعته معروفة في المنطقة بس انا حتي مكسوفة اقول اني موافقة ولا لأه مش عارفة اعمل ايه ده أول ولد في حياتي انا لسة محبتهوش بس حتي لو وافقت ازاي هتعامل معاه المهم ان الولد ده مش أول حد يتقدم ليخطبتي لكن الولد ده (محمد) شعوري بيه مختلف ارجو الرد منك كأم
عذرا عذرا والله صدقينى اول مرة اشوف التعليق ده النهاردة بجد والله
شوفى لو كان سمعته فعلا طيبة ويعرف ربنا ومن عيله يبقى خلاص على بركة الله
وبعدين احساسك عادى يا اختى هو ده الحياء اللى هو زينتك وتاجك ربنا يوفقك يارب واتوقع لك انك هتحبيه جدا وهو كمان لما يلمس منك الادب والاخلاق والطباع الحلوة دمتى بخير اختى وسامحينى والله
إرسال تعليق