حاجة فرحتنى جدا جدا
داليا مجاهد اول مسلمة عربية مصرية الاصل محجبة فى البيت الابيض
عينها الرئيس الامريكى اوباما ضمن المجلس الاستشارى الخاص بالأديان
ويضم 25 ممثل من اديان وطوائف دينية وشخصيات علمانية
ويكفى ان تكتب اسمها على جوجل لتقرأ وتعرف عنها كل ما تريد
سيعلق الكثيرون امال عليها ولكنا لن نطالبها بما هو اكبر منها
لن نطالبها بتغيير ما ليس لها دخل فيه هى فقط ستكون سفيرة لنا
هناك فى البيت الابيض
لربما ستتغير نظرة الغرب للمرأة العربية والعرب عموما
وجائز ان تتغير نظرتهم للحجاب
وجايز يفهمو حال المسلمين فى غزة
وجايز يفهموا قد ايه بنكره سياستهم
وجايز وجايز وجايز وجايز......
طبعا هى مش عايشه هنا من زماااااااااان
داليا مجاهد اول مسلمة عربية مصرية الاصل محجبة فى البيت الابيض
عينها الرئيس الامريكى اوباما ضمن المجلس الاستشارى الخاص بالأديان
ويضم 25 ممثل من اديان وطوائف دينية وشخصيات علمانية
ويكفى ان تكتب اسمها على جوجل لتقرأ وتعرف عنها كل ما تريد
سيعلق الكثيرون امال عليها ولكنا لن نطالبها بما هو اكبر منها
لن نطالبها بتغيير ما ليس لها دخل فيه هى فقط ستكون سفيرة لنا
هناك فى البيت الابيض
لربما ستتغير نظرة الغرب للمرأة العربية والعرب عموما
وجائز ان تتغير نظرتهم للحجاب
وجايز يفهمو حال المسلمين فى غزة
وجايز يفهموا قد ايه بنكره سياستهم
وجايز وجايز وجايز وجايز......
طبعا هى مش عايشه هنا من زماااااااااان
ولكن يكفينا ان اصولها مصرية
ربنا معاها ولا يجعلها سبب الا لكل خير
هناك 31 تعليقًا:
هييييييه اول يامامتي
ثواني واكتب التعليق :)
ماشاء الله
ربنا يجيب الخير على ايديها
والله حاجة تفرح
مش عارفه يمكن يكون تعليقي غريب شوية بس هي حاجة تخوف وتفرح ف الوقت
أولاً : ال يفرح وجود امرأة ومسلمة ومحجبة ف البيت الابيض ووصولها ليه
وآراءها ال أعلنت عنها كمثلا انها لو اوباما سألها عن مكان يزوره هترشحله غزة
كمثال لبلد إسلامي هيبينله معاناه وتفكير المسلمين
ووجودها كسفيرة للإسلام ومظهر مسلم
ثانياً : حاجة فعلاً تخوف هي كيفيه وصولها للمنصب ده ف بلد بتضطهد المسلمين وبتهمشهم
ووجودها أكتر من تلاتين سنه من عمرها ف امريكا هل التلاتين سنه دول يضمنوا ولائها ؟؟
هل مش ممكن تكون الادارة الامريكية بتستخدمها كفخ جديد توقع المسلمين أكثر..؟
هما الجانبين يستحقوا المناقشة والتأكد من رجاحة اي جانب فيهم
ولو حكمنا بالمظهر أكيد هنتمني ربنا يوفقها في المهمه ال كلفت بيها وتقدر توصل صورة الاسلام بالشكل الصح
ولو المستتر ف الموضوع أخطر من الظاهر يبقي ربنا يستر علي المسلمين والاسلام ف الفترات الجايه
مامتي كالعادة موضوع جميل يستحق المناقشه
وكالعادة حبيبتك قلب لازم تتطول وترغي كتير وتدخل ف فروع واصول :)
المهم ليكي وحشه يامامتي وبوسة كبيرة (:
اهلا قلب منورة اسمحيلى استخدم قلب على ما اتعود على غادة
شوفى اللى عجبنى جدا ان مسلمة محجبة هناك مع الناس دى يمكن تقابلها مصاعب ربنا وحده يعلمها وندعو الله ان يعينها عليها
ممكن تبقى لعبة او زينة اننا مش ضد المسلمين ولا الحجاب دا احنا معينين واحدة فى البيت الابيض مسلمة ومحجبة ويمكن يكون اوباما اللى الكل معلق عليه امال كبيرة فعلا عايز يغير حاجة
على العموم بكره نشوف ونقرا ونسمع
انا بس ادعو الله ان يرشدها لما فيه الخير والا تكون سبب الا لكل خير
وحقيقى يا قلب اول او اخر تعليق مش بتفرق خالص معايا المهم دايما اسمع رايكم كلكم
دمتى بكل الخير
حين أسمع هكذا كلام أفرح كعربي او كمسلم
ولكن حتى ندرك طريقة مجتمعاتهم في العيش وووووو
يجب أن ندرك أنها منظومة متكاملة تعتمد على المجموعة
يعني الفرد يساهم بقدر معين و ليس الكل
و حتى الوصول الى أعلى السلم لا يتم إلا وفق معايير خاصة بهم و ليست بالضرورة تتفق معنا أو تتماشى وعاداتنا
ومن يخالف كل ذلك مصيره معروفا مسبقا
خبر جميل اوي
بس ربنا يستر ومايكونش بيحطوا السم ف العسل
الله اعلم اوباما دلوقتي مش باين منه لا خير ولا شر
بس ف الاخر كلهم زي بعض
ربنا يستر
بس هي بجد حاجه تشرف
ميرسي ع الخير ياجميل
اخ هاما اهلا بكل اهل تونس
كلامك مضبوط فعلا
شكرا
اهلا مونى ازيك وازى الاهلى على حسك
فعلا هى سياسة دولة مش سياسة فرد
اشكرك لاهتمامك
بغض النظر عن اى قلق هى خطوه كويسه، و حتى لو كانت تطبعت بطبع الغرب فعلى الاقل سيبقى اسلامها ليذكرها
بسنت فعلا سيبقى اسلامها عنوان ليها
مش عارف ليه مش مطمن لأوباما
ومش مطمن للى بيجيبهم جنبوا من العرب المسلمين
عموما ربنا يكذب ظنى ويطلع خير
اخ بلو ويف ياريت متكونش لعبه لسه مش فاهمين ابعادها
ممكن تكون خطوى جيدة من الادارة الامريكية للتحاور من قرب مع العالم الاسلامى ويارب تكونداليا مجاهد خير سفير للاسلام بس لاازم برضوة منفرحش اووووووووى لان امريكل فى الاخر عدو لنا ومفيش حاجة تجى من الغرب تسر القلب
صح فعلا ميجيش من الغرب يسر القلب
شكرا للتعليق اخ منوفى
شكرا جزيلا ولكنى الغيت حسابى على الفيس بوك
أوباما والله راجل جدع عمال يدينا حاجات كويسة قبل كدة زويل والنهاردة داليا
يارب تكون كمان الحاجة دي بحق وحقيقة مش مجرد يفط تتعلق
هو خبر صراحة فرحني
بس ما نقدرش نحكم عليها لا سلب ولا ايجاب الا لما نشوف دورها
واسال الله ان تكون مثال وقدوة للمسلمات وتساهم فى تغيير صورة الغرب عن المسلمين والعرب
وان تحقق املنا فيها ولا تخيب ظننا
اخ احمد شكرا لك
تفوق زويل وغيره من العرب حقيقة فعلا
ولكن الخوف ان تكون داليا وغيرها لعبه تهدهد مشاعر العرب الطفوليه التى تفرح بكل ما له عنوان عربى او مسلم
عزيزتى القمر الساهر
اهلا بكى
والله انا حتى مليش امل انها ممكن تعمل حاجة كبيرة او صغيرة ربنا خلاف الظنون
لكن فرحة فرحة اى مسلمة وعربية ومصرية كمان
باعتبر ان مجرد وجودها هناك ولو حتى من باب التزيين
هو حاجة مفرحة ومشجعة
ربنا لا يجعلها الا سبب لكل خير يا رب ويخلف اى ظن مش تمام فيها وتطلع بت جدعة زى كل المصريات الجدعان
على فكره الاستاذه داليا دي كان ليها موقف اتكلم مع عمرو خالد لما راح لامريكا و قال :
كنت في مؤتمر صحفي و بتكلم عن الصور الخاطئه المأخوذه عن الاسلام و ان الاعلام الامريكي بيخلط بين حربنا كلنا على الارهاب و الحرب على الاسلام و ده اللي بيخلي الامريكان رابطين الاسلام بالارهاب ..
فبيقول لقيت كام واحد كده طلعوا من الصحافيين بيحاولوا يشككوا في الكلام بتاعي محاوله منهم في تضعيف كلامي .. "خلط ايه اللي انت تقصده بظبط الاعلام الامريكي واعي جداً و يعرف ما يقول " ... "ليس لديك اي دلائل على ان الامريكان لديهم فكره مغلطوه عن الاسلام و الاعلام يشارك في هذا الخطاً " ... و حاجات زي دي ..
و بيقول قامت واحده اسمها داليا شغاله في معهد جالوب للأحصاء و رئيس المعهد نفسه بيثق فيها جداً و هى بتقول انها عرفتني من بعض الشرايط و الفيديوهات من بدري و راحت قايله كذا احصائيه عن الخلط و الاخطاء اللي بيقع فيها الاعلام الامريكي و عدم تفهم الشعب لحقيقه الاسلام و كانت بمثابه طوق نجاه من الله عز و جل و دعم قوي نظراً لان جالوب دي اساساً مؤسسه امريكيه كبيره و غير مشكوك فيها .
انا حبيت بس اقول المعلومه دي لاني لما عرفت خبر بتاع تعينها مستشاره في المجلس ده و شفت اللقاء بتاعها على الحياه و على البيت بيتك فرحت جداً بصراحه
شكرا عبد من عباد الله كلامك بارقة امل لنا جميعا
عزيزتى
مش عارف انا بشوف ان الموضوع مش تحسين وتوضيح صورة الاسلاام والمسلمين
الموضوع بس تحسين صورة امريكا امام المسلمين
بس الدور عليها انها تستغل اللى هى فيه لتوضيح حاجات بقدر ما تستطيع
ربنا يلهمها الصواب والثواب
تحياتى
سلام
بجد انا كمان فرحان جدا واتمنى انها تكون فعلا سفيرتنا هناك واتمنى فى زيارتى القادمة للولايات المتحدة انى اقبلها بجد
تحياتى
سلام
المهم اللى تلاقى اللى يسمع لها..وللا إييييييه؟
دعاء
اخ احساس لسه حى شكرا جزيلا لزيارتك لمدونتى البسيطة
رايك مطابق تماما لما اراه فهو تحسين صورة امريكا امام المسلمين
شكرا لك
شكرا اخ حسام لزيارة مدونتى البسيطة
وربنا يوفقك وتقابلها وتوصل لها املنا فيها
دعاء اهلا شرفتينا من جديد ايه الغيبة الطويلة دى
ازى الاولاد يارب دائما بخير
وفعلا يا ريت تلاقى اللى يسمع معاكى حق
مامة مازن
ننتظر لا يجب ان نحكم قبل ان نرى افعال
صحيح ما تفعله امريكا تجعلنا نشك فى أنفسنا من كثرة لئمها
ولكن فلننتظر ونستبشر بالخير ان شاء الله يأتينا
حبيبتى ام البنات كيف حالك واسرتك اتمنى تكونو جميعا بخير
فعلا فلننتظر ونستبشر خيرا
السلام عليكم
انا كمان فرحت قوي عشان تم اختيار داليا مجاهد رغم اني اول مرة اسمع عنها بس بردة اللي يفرح اكتر انه تم اختيار العلم احمد زويل مستشار علمي ايضا دول اهل مصر بيستفيد منهم الغرب وليس مصر مش مهم هما يستهلوا كل خير مدام مصر بيعاهم بالرخيص في اللي بيشتري بالغالي
تحياتي
اهلا بيكى من جديد ذكرى
ربنا يوفق كل من يجتهد لطلب العلم
ورنا يسدد خطاهم لما يحبه ويرضاه
إرسال تعليق