ملحوظه الموضوع ده لاعلاقة بينه وبين الخبر الاخير ربنا يصبر اهله ويلهم امه الثبات ويؤجرها فى مصيبتها ويخلف لها خيرا منها
دموعى دى علشان حاجة تانية بعيدة تماما عن الموضوع ده
دموعى فى الاحسن منها يا ترى ايه
انى اقول ونقول كل يوم وكل وقت ونجعلها دائما مع اذكارنا
(حسبنا الله ونعم الوكيل)
احسن كلمات ممكن نقولها قصاد كل اللى بيحصل
يارب يارب يارب
اعز الاسلام والمسلمين
يارب احنا بنرجوك وبنبكى فى سجودنا وانفنا وجبهتنا لامسين التراب
انك تدافع عننا عن اسلامنا عن رسولنا
يارب ان كان يرضيك ما نحن فيه فزدنا منه وان كان لايرضيك فارفعه عنا
يارب دموعنا كمسلمين لن تغسل الحروف اللى كتبوها بايديهم تسبنا وتسب اسلامنا وقبل ده كله تسىء لحبيبنا صلوات ربى وسلامه عليه
يارب دموعنا مش هتنضف قلوبهم وتقولهم ان الدين عند الله الاسلام
يارب دموعنا مش هتخليهم يعرفو انهم اقرب لنا
دموعنا مش هتقولهم انتو مسئولين مننا
دموعنا مش هتعرفهم ان اركان الايمان( الايمان بالله وملائكته وكتبه ورسله واليوم الاخر و القدر خيره وشره)
دموعنا مش هتقولهم بلاش دا احنا بنحب عيسى ومريم بلاش كده
مش عارفة اعمل ايه اروح لمين دموعى حرقت وجهى ياريتها كانت تمسح اللى كتبوه وقالوه
بلجألك انت يارب يارب
وليه ياللى كنت مسلم تبقى غير كده قال رب العزة فى كتابه الكريم (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِيناً )[المائدة:3].
رغم ان اللى بيقولوه بره وجعنا قوى لكن الوجع كل الوجع لما يكون الكلام ممن يكتبون بالعربية ممن يحملون لقب عربى
يا ايها العربى الم تقرأ وتتعلم حتى فى كتب التاريخ من محمد صلى الله عليه وسلم ماذا فعل و ما رسالته
حاول تقرأ اى حاجة تشيل الغشاوة من على عينك مش قصدى انك تبقى مسلم لا دى حاجة تخصك انت وتخص علاقتك بربنا لا املك اكفرك ولا املك احكم عليك بس نفسى تاخد كتاب عن السيرة النبوية عن الاسلام اختار اى كتاب براحتك واقعد فى مكان لوحدك اقراه
فكر فيه بانسانيتك المجردة من اى اهواء وبعدين شوف هل هتقدر تسىء له تانى وارجع افكرك مش قصدى اسلامك( ان الله يهدى من يشاء)
اخر آيه نزلت على الحبيب المصطفى صلوات ربى وسلامه عليه يقول الله تعالى: "وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ" (البقرة:281)
انا مجرد انسانة عادية جدا جدا بحاول احافظ على تعاليم دينى بحاول احافظ على اركان الاسلام
بحاول اكون مسلمة صالحة بحاول اكون زوجة صالحة بحاول اكون ام صالحة بحاول اكون انسانة صالحة
افتكرت التدوين شىء محترم وراقى قولت بعد ما استاذنت زوجى انى اعمل مدونة اعبر عن نفسى فيها عن امرأة شبه كتيييير قوى على ارض مصر
لكن هالنى ما قرأت وروعنى الخوف من غد لا اعرف ما يخبئه لى او ما يخبئه لاولادى
هل هؤلاء شرف للانسانية
هل هؤلاء شرف للكلمة
هل هؤلاء شرف للمدونين
هل هذه هى الحرية
هل حريتى ان اسب رسول من عند الله
هل اكمل التدوين واكون رقم ضمن مجموعة يكون فيها هؤلاء
ماذا افعل هل اكمل فى مدونتى ام اغلقها احتجاجا على ما قرأت
هل يستحق هؤلاء ذلك
ولماذا يلجأ البعض لافظع الالفاظ ونحن ندافع عنه هل هذا دفاعا
كيف ادافع عنه هل اكتب تدوينات لذلك
ام اركز فى دينى وعبادتى وفى طلب الرحمة والمغفرة من الله واركز فى بحثى عن سنته واتباعها
هل سيكون لاى شىء فى الدنيا اهمية
هل كلامى له معنى هل دموعى تمحى ما قد كان
اشكركم جدا لانكم كنتم صفعة على وجهى زادت من سعيي واصرارى على ان اكون مسلمة افضل مما انا عليه
اشكركم لانكم ستزيدون فى ميزان حسناتى فمن يومنا هذا الى ما شاء الله لى ان اكون على وجه الارض
سأصلى بعد صلاة العشاءركعتين لقضاء الحاجة بأن يغفر لى وللمسلمين يوم يقوم الحساب وأن يعز الاسلام والمسلمين
واعلمو ان الله يمهل ولا يهمل
هناك 23 تعليقًا:
ألا ان نصر الله لقريب
ربنا مش هيسبنا
ولا هيسيب رسوله
كل حاجه ف وقتها يا ماما
يمهل ولا يهمل
ربنا ينصرنا ان شاء الله
أنا بصراحة مش فاهمة انتى بتتكلمى عن ايه بالتحديد!!!
بس شكلك متدايقة قوى وحابة بس أقولك ان ربنا دايما بينصرنا فى الآخر فخليكى متفائلة
و روقى..
موووووووووووووواه
شوفي الناس دي كل ماتعمل كده الاسلام بينتشر
سبحان الله
ولازم احنا المسلمين نعدل من سلوكيتنا شويه
عشان نكون قدوه
احنا واجهة الاسلام
وهنقول ايه ربنا يهديهم
حبيبتى مامه مازن
انا بقول معاكى حسبنا الله ونعم الوكيل الى كل من يهين شىء مقدس و حبيب الى الله والى قلوبنا،الجاهل و الغافل يا حبيبتى ليس له لغه ولا دين ولا وطن معين ممكن تلاقيه فى كل مكان،المؤمن سواء كان مسيحى او مسلم او حتى يهودى الذى يؤمن بما انزل الله كله ليس بعض منه،الذى لا ينطق بسوء و سب واهانه ،لن يدخل الجنه من يقذف الناس ،لأن السب ليست طريقه لأعلاء دين او تقرب من الله،جميع الأديان دعت الى التسامح و السلام و الحب،عشان كده بقولك اللى بيغلط فى دين تانى ده مش متدين و دينه برىء منه
حبيبتي ....
لا علم لي لماذا يفعلون ما يؤلم غيرهم ...
إن كل ما نطالب به هو الإنسانية ... الحفاظ علي مشاعر الغير ... ليس أكثر ولا أقل
وحسبنا ربنا ونعم الوكيل
لا إله إلا الله ... محمد رسول الله
جزاكي الله خيرا يارب وجعله في موازينك
اولا كون ال حضرتك بتقولي عليه ده فدول وصمه عار
اقليه أو اكثرية فكل منهم بداخله يعرف قدره جيدا
ولو بكينا عمرنا كله ماوفيناك حقك يارسول الله وما زادنا ذلك الا تقصيرا
أحترم دموعك و لكن لو كانت دموعنا حلا لبكينا دما
ولكن كل منا لديه قلب فليتوجه به إلي الله بخالص الدعاء علي من يسب رسول الله
كل منا لديه قلم فأبدا ليس معني وجود هؤلاء الذين لا يستحقون لقب ( مدونين ) أن يترك كل منا التدوين
بالعكس فكل منا لديه رساله في مكانه وبإذن الله تكوني قادرة علي تحقيقها فلا يجعلنك صغائر القوم قدرا اعتزال ماتحبين
فاللهم اعز الاسلام والمسلمين واجعل في الامة الخير الي يوم الدين
جزاكي الله خيرا ياماما وجعل كل ماكتبتي في موازينك
وجعله نورا في حياتك ولأولادك يارب
السلام عليكم
ماما مازن يارب تكوني بخير
بجد بجد بجد بوست هايل مش عارف اقولك ايه
مسني قوي ووجعني قوي لدرجه اني انا كمان عايز ابكي
احساس وحش قوي لما يكون حد مسلم ويلحد ويشتم فينا
واحساس مرير لما تلاقي حد مسيحي بيشتم فينا وفي نبينا رغم اننا لا حقرنا من المسيحيه ولا من سيدناعيسي عليه السلام ولا السيده مريم الطاهره من كل بغي وبهتان رضي الله عنها
انتي عارفه من اجمل الحاجات الي في اسلامنا ومحدش واخد باله منها ايه
إن احنا بنؤمن بكل الرسل وبكل الرسالات وكل الكتب السماويه وديننا بيوصينا علي الانسان بوجه عام وإننا مانإذيش حد بوجه خاص مهما كانت ديانته او جنسيته لكن الفئه الفاسده الي بتشوه صوره الاسلام وبتبيننا ارهابيين ومتناقضين منهم لله
عارفه دمعه واحده بتنزل من عينيكي علي الاسلام أطهر من مليون واحد زي دول
عارفه كل دمعه بتنزل لو علي إحساسها هتغسل مليون واحد منهم وولا هينضفوا علشان هما كده
دول بالنسبه لينا في الدنيا الدرس الي نتعلم منه ونقوي بيه ونعرف ايه هو الضلال وايه اخره
والمجتمع التدويني زي اي مجتمع في الفئه الراقيه المحترمه الي متميزه في لغه الحوار الراقي البناء المتحضر العقلاني
وفئه متدنيه ووقحه ومتبجحه وركيكه وفقيره في الاسلوب وفي الحوار ولا تمتلك حجه ولا نهجا لإداره حوارا يقوم علي العقل والمنطق والعلم والدراسه
لكن صدقيني ديه فئه نكره مهمشه مهما شوفتي دول اقليه
عارفه انا دايما بشوف الناس ديه ايه
في ناس عايزه تكسب شهره وخلاص ومن غير تعب وفي اسرع وقت تقوم تعملها كام بوست في سب اديان علي شويه رسل وتفجر علي الاخر تجيبلها شويه اتباع إمعات يتبعوها وفي الاخر يا بيرجع يا بيبعد
عشان بيتنسي بسرعه لإنه نكره ومعرفش يكون كيان او شخصيه الناس تعجب بيها وترتبط بيها
وتكون رأي وتسيب بصمه وكلام ممكن اقرا عندك او عند غيرك اعجب بيه ادخل اشوف عقليه الشخص ده ازاي
شخص منفر مقرف منزوع العقل والفكر
منزوع الدين والحس
وصدقيني هما دول الفئه المريضه الي بتلوث المجتمع بفكرهم الزائف المسمم
وصدقيني العرب الي بيلحدوا او بيشتموا في ديننا او باقي الاديان دول ناس بدون شخصيه تابعه لناس تاني منساقه وراهم
زي ما واحد بيمشي ورا الشيطان ووساوسه وهييجي يوم يقول الشيطان الي قالي هيقوله اني بريءمنك إني اخاف الله رب العالمين
شوفي حتي الشيطان بيتبري منه وهو ساذج فاكر انه بيفهم والدنيا دايماله وهيلاقي الاله ده وهم مفيش عذاب وإنه بسلامته داخل الجنه
لكن نسيبه لغايه ما يشوف الصدمه ويلاقي إنه مش عارف يمنع العذاب عن روحه وإنه مخلد في النار
ويتمني ساعاتها لو ترجع لحظه واحده مش هقول يتوب فيها لكن ينطق بس فيها الشهاده
صدقين طالما عينيكي لسه بتدمع يبقي قلبك ابيض لسه فيه الخير وذره ايمان وخشوع يتألم من خشيه الله
وطبعا بالنسبه للحريه انتي عارفها في زمننا بقت ايه
صدقيني انا حاسس خلاص النهايه قربت قوي الفجر والفسوق والالحاد كل يوم بيزيد وكل ما الخراب بيزيد كل ما بيدل علي اقتراب يوم الوعيد يوم القيامه وبخاف قوي
وبقول يارب ما تعيشني لليوم ده يارب اعصمنا من زمن الفتن ومن فتن الدنيا والاخره
عجبتني الكلمه ديه قوي
يارب ان كان يرضيك ما نحن فيه فزدنا منه وان كان لايرضيك فارفعه عنا
بجد موضوعك طالع منك بإحساس قوي لأني حسيته قوي
ولا تحزني يا اختي المسلمه ففرج الله قريب
متعتبرنيش بعلق عندك
لا اعتبريني بفضفض لأني انا كمان مخنوق
ربنا يستر علينا وعلي كل المسلمين
بارك الله فيكي ولكي في زوجك وأولادك
وأبعد عنا وعنكم وعن جميع المسلمين كل الشرور والفتن
لو كان ده اول تعليق يشرفني اني اكون الاول
دمتي بكل ود وفي رعايه الله
ما اجمل الدموع والبكاء من خشية الله سبحانه وتعالى .اللهم انا نعوذ بك من عين لا تدمع ومن قلب لا يخشع ومن دعاء لا يستجاب له ...اللهم امين
وبالنسبة للذى هو مكتوب فى مدونات الاشخاص التافهين فهذه ارائهم الفاسده و اللتى لا توقفنا عن نصرة الرسول صلى الله عليه وسلم و توجد مدونات كثيرة جيدة تبتغى وجه الله ونشر تعاليم الاسلام و الدعوه الى طريق الاسلام و الالتزام بما امر الله ورسوله به .
فلا تتراجعى عن التدوين الهادف و استحضرى نيتك عندما تكتبين موضوع تبتغين به مرضاة الله عز وجل
تحياتى
الحمد لله أن رزقنا نعمة اﻹيمان برسوله ومحبته
حبيبتى مامة مازن
هونى على نفسك ياحبيبتى
فعلا مايحدث يجعل القلب يعتصر بالحسرة
ولكن لن يسلم احد عداه
والمفروض فعلا ان نرد على ده
بالكتابة عن سيرته
وده اللى فى نيتى عمله بعد السلسلة الحالية
وكذلك انتى حاولى ايضا ان تكتبى
ربنا يبارك فيكى يااختى
ليت الكل يعتز بدينه ورسوله مثلك
دمتى بكل خير
اولا اسمحولى يكون تعليق عام اولا
حضرات الافاضل شكرا جزيلا لكم لخوفكم وغيرتم على الدين القيم وعلى رسول الله صلى الله عليه وسلم الذى بعث هدى ورحمة للعالمين
حقيقة كنت افكر وانوى فى غلق مدونتى وبعث رسالة لبلوجر او جوجل لا اعرف ولكنى كنت سابحث فى هذا احتجاجا على ما قرات وسافرد بيانا باسماء العناوين الالكترونية التى قرات فيها هذا الكلام المنحط
بالله عليكم كم مراهق وكم صغير السن يدخل يوميا على الانترنت وقد يقرا مثل هذا الهراء وقد تتزلزل لديه عقيدة هى فى طريق النمو وربما فى طريق البناء
ياالله الفكرة مجرد هذه الفكرة تعتصر قلبى وتخيفنى
ولكنى بفضل الله وبكلماتكم الطيبة تراجعت لماذا اغلقها ليس هذا هو التصرف الصحيح
عبادتى زادت ركعتين يوميا لقضاء الحاجة ان يقضى حاجتى ويقتص لى ولكم ومن قبل لرسولنا الكريم صلوات ربى عليه وافضل تسليم ياالله لقد حتى طالو الذات الالهية وكلام كتاب الله
قال تعالى فى سورة البقرة:
(وان كنتم فى ريب مما نزلنا على عبدنا فاتوا بسورة من مثله وادعوا شهداءكم من دون الله ان كنتم صادقين) الايه23
(فان لم تفعلوا ولن تفعلوا فاتقو النار التى وقودها الناس والحجارة اعدت للكافرين) الايه 24
اختى الصغيرة مونى اهلابكى
فعلا ان الله يمهل ولايهمل
يمهلهم ان يتدبروا ويفكروا ويراجعوا انفسهم قبل الحساب ولكنهم يعتقدون انهم بهذا على صواب لان الله لم يعجل لهم ولكنهم لا يفهمون تلك الحكمة الالهية
هدانا الله واياهم
اهلا بكى دعاء
حقيقى لو كان ينفع تقراى اللى قراته كنت كتبت العناوين لكن خوفى من ان تمس صفحات مدونتى اى شىء يخص هذا الكلام وان اكون سبب فى ان واحد بس يقرا الكلام الفظيع ده
دمتى اختى بخير واسرتك الصغيرة
اختى شمس النهار كلامك سليم جدا
لازم احنا كمسلمين نعدل من سلوكياتنا ونكون قدوة احسن ونكون مسلمين افضل مما نحن عليه
اتفق مع كل حرف من حروف تعليقك
اختى بسنت لقد فهمتى واستوعبتى جيدا وانتى بسن 22 ما قد يستغرق من البعض عمرا كاملا لفهمه ولو اعطو عمرا على عمرهم ما فهموه
ربنا يوفقك بسنت
ميمى اردد معكى
حسبنا الله ونعم الوكيل
لا اله الا الله محمد رسول الله
غادة اختى لو تدركين هول الصدمة والمفاجاة التى المت بى حين قرات هذا الكلام
يا الله
وفعلا كل منا له رسالة فى مكانه ولا يوجد بمدونتى او كثير كثير غيرها ما يسؤها او يعيبها حتى اغلقها احتجاجا لن اغير شيئا ولن احدث فرقا
مدونتى كانت وسوف تظل بامر الله تعبير عن واحدة مسلمة متعلمة أم تحترم بيتها واولادها وكل من يستحق هذا الاحترام
اشكرك غادة على كلمات الاخوة والطيبة
ربنا يخليكى
اخى زيزو اهلا بكل اهل سوهاج
تعليقك يستحق ان يكون موضوعا بذاته لصدق كلماته واعتبره مع باقى التعليقات تكملة للموضوع ويزيده وضوحا
اشكرك اخى على رايك المحترم
اخى اكيد شكرا لك
وهم فعلا صفر على الشمال
وهناك الكثير والكثير والكثير من الافاضل الذين يكتبون بغية ان يكون الدين والناس والمجتمع ككل فى حالة افضل وفى وضع احسن
اشكر زيارتك للمدونة ومبروك اداء العمرة وان شاء الله الحج قريبا
اخى احمد شكرا لك
الحمد لله والشكر لله على نعمة الاسلام
شكرا اختى ام مالك ربنا يجازيكى عنا كل خير
كل حرف تكتبينه فى مدونتك لكى به حسنه والحسنة بعشر امثالها هذا دعائى لكى اختى
وانتظر باقى سلسلتك القيمة ان شاء الله
بصي ... انا قريت الكلام العبيط بتاع شوية العيال دي
واستفزوني ... كتب بوست أنا أحب محمد...
وارسلت الي كل المقربين لدي لنفعل شئ من الايجابية
استلمت رسالة من احدهم يقول .. ان رسالتهم لاستفزازنا قد وصلت في موعدها ...
ولن ندع الفتنة نائمة
ارجوكي لا تقومي بنشر اللينكات
ولا تعاودي الحديث عن هذه اللينكات ... فهم يفرحون كثيرا بمن يقرأ كلماتهم الهزلية
دععي موضوعاتهم تموت معهم ولا تعطيها أي اهمية
نشرك لها سيجعل العديد من المدونون يقرأون كتاباتهم
وهذا هو غرضهم ....
ارجوكي ارجوكي
اعلم جيدا بما تشعرين به .. فقد مررت به قبلك ولكني احتفظت بذلك بداخلي ... واحتسبت لدي ربي ...وهداني ربي الي اهمال هذه المدونات ولا اعطيها اي اعتبار
تقبلي تحياتي
السلام عليكم
متزعليش يا ام مازن علي كل شيء قرأتيه انا فهمت انك هاتغلقي البمدونة من المةضوع السابق طيب لما تقفليها مين هيكتب رسائل لعل وعسي تكون سبب هداية الناس دول اللي بيسبوا ويلعنوا الدين الاسلامي اجعلي من مدونتك رسالة من الممكن ان تكون سبب في ميزان حسناتك
اما البعدة اتركيهم لله وحده قادر ان يخسف بهم الارض
تحياتي
إرسال تعليق