متزعليش يا مدونتى انى فكرت اقفلك واقفل باب بتنفس منه
متزعليش انى فى لحظة ضيق ضاقت الدنيا فى وجهى
متزعليش انى قلت عليكى ملكيش لزوم
لا ليكى لزوم
انتى مدونة مصرية محترمة
انتى مدونة واحدة أم وست بيت متعلمة وليها دماغ وفكر
صحيح ممكن دماغها تكون على قدها او فكرها مش عالمى
لكن استحملينى شويه مضطرين نبقى مع بعض كمان شويه
مدونتى العزيزة انتى سبب ان بقى لى اصحاب من جديد
حتى ولو كانو على صفحاتك بس
بس فعلا حاسة باحساس الاخوة والطيبة منهم
مش سميناهم سوا اصحاب الحياة وزملاء الكفاح فى الدنيا
بصى يا مدونتى انتى هتبقى زى ما انتى نفس موضوعاتك هى هى
نفس افكارك هى كل كلمة فيكى كان قصدى منها انى افيد واستفيد
يمكن كلمة منى توضح لحد حاجة او كلمة من حد توضح لى حاجة
احنا زى ما احنا قصدنا وجه الله الكريم
علشان كده اللى كان فى خطتنا هنعمله
ونحاول نكون احسن دائما
هنستمر طبعا فى زيارة المدونات المحترمة اللى بنتابعها
وطبعا لو امكن وفى وقت هنزور ناس تانية طيبة برضه
ملناش دعوة بالناس الكخه دول تانى اوعى نقرا عندهم حاجة
شوفتى ابو مازن زعل ازاى وقال بقى ده اسمه كلام
اقرى قرآن واللا كملى كتاب بتقرأيه واللا حتى اقرى قصص اطفال للعيال
شوفتى بقى زعل منى وانتى استخبيتى يا وحشة علشان ميزعلش منك
ماشى ربنا يسامحك
ع العموم متزعليش خلاص خليكى قارفه الناس وعماله لوك لوك لوك
ايه ده مبتتعبيش من الرغى
30 موضوع يا مفتريه فى4 شهور ايه ده رغى رغى رغى
مليتو البلد
ع العموم بما انك بت محترمة قصدى مدونة محترمة
خلاص خليكى
يلا مع السلامة شوفى راحة فين
وانا هروح اشوف العيال واتفرج ع الكارتون معاهم
ومتنسيش دائما قولى حسبى الله ونعم الوكيل
اللهم صلى وسلم وبارك عليك يارسول الله
يارب اللهم اعز الاسلام والمسلمين انت ولى ذلك والقادر عليه
هناك 32 تعليقًا:
إيه ده، إيه ده؟؟؟؟؟
كده بدأت أقلق، أختى مامة مازن ، اوعى بجد تكونى هتقفلى المدونة، و زى ماذكرت المدونة دى باب ليكى، فخليه دايما مفتوح
صحيح أنا معرفش السبب و لكن إذا كان حصل من حد حاجة ضايقتك، فده للأسف وارد، و التدوين زيه زى أى حاجة فى الدنيا، فيه الكويس و اللى مش كويس
و بعدين كلامك و مدونتك ما شاء الله جميلة جدا، و ما تقلليش منها، و زى ما قلتى عليها هى فعلا محترمة، فمش معقول الحاجة المحترمة الكويسة تمشى، طب يعنى مش هنوحشك :) ؟؟؟؟؟؟
أتمنى تكونى كويسة و بخير و بإذن الله تكونى دايما موفّقة
hahaahahahhahahahaha
موضوع حلو اوى بجد وعجبنى اوى التناقض فى الاول والاخر
تحياتى
امممممممممممممممممم
ابو مازن زعل ليه بس
بالعكس المدونه ليها رساله جميله اوعي تفقليها
القرار الصائب في الموضع الصائب
هكذا يكون الكلام
لا تبتعدي عن التدوين مادمتي قادره علي الانتاج والتفكير
لو رأيتي مجموعه من مصاصي الدماء يبحثون عن فرد جديد ليتغذوا علي دمائه ويكون تابعا لهم
ماذا سيحدث إذ لم يجدوا بشريا نابضا بالدم ؟؟
سأنتظر إجابه السؤال هنا وفي مدونتي
الهمكي الله وإيانا السكينه والايمان والصبر
في رعايه الله
عليه الصلاة والسلام
يارب اللهم اعز الاسلام والمسلمين انت ولى ذلك والقادر عليه
آمين
الحمد لله اك بقيتى أحسن و رجعتى تنورينا تانى
آل تقفليها آل ده احنا كنا لفينا ودورنا وجبناكى وأجبرناكي تفتحيها تانى
هههههههههههه
يارب يريح بالك ويخليك أولادك دايما فى أحسن حال
مووووووووواه
شكرا نهى ربنا يكرمك
لا طبعا هتوحشونى دا انتو خلاص اصحابى من غير ما اشوفكم كلماتكم الطيبة كلكم بتاثر فى
ربنا يوفقك واقراى الموضوع اللى قبله هتفهمينى
ربنا يعزك د\نهى ودائما منتظرين الجديد والمفيد من كلماتك ان شاء الله
اهلا بيكى كيارا من جديد ربنا يخليكى وتسعدينى دائما بزياراتك الجميلة
شكرا لكى اختى
شكرا جزيلا لك اخى ربنا يوفقك ان شاء الله فى دراستك
معلش مش مجمعة السؤال وضح وان شاء الله افهمه وارد على حضرتك
شكرا اخ احمد معلش التعليق اتمسح بالغلط اسفة جدا
شكرا جزيلا بارك الله لك
دعاء يا ام احمد يا عسل
شكرا ليكى بجد ربنا يبارك لكى يارب ويسعد ايامك
شكرا ماما مازن على تعليقاتك الجميلة على مدونتي انت كمان مدونتك تلقائية و مريحة وصادقةجدا
ياسمين ليتني أعود تلك الصغيرة
شكرا ياسمين اهلا بيكى فى اول زيارة وان شاء الله متكونش الاخيرة مدونتك حقيقى جميلة وكلماتك تدخل قلبى مباشرة
نورتى اختى ياسمين
بجد ده ظلم ... قرار ظالم ... ليييييه تحرمينا من المدونة دي
المدونة دي بيتنا ... وقلمك بنحب نقراله ... لو كل اصحابنا وحبايبنا قفلوا مدوناتهم ... يبقي مش هنستفيد جديد
احنا اسرة واحدة ... استقالة المدونة دي مرفوووووضة
اوعى تفكرى تقفلى المدونه يا ام مازن ،اولا مش عشان بيضه فاسده نرمى السله كلها،يمكن كلمه منك تغير اللى عملته بوستات كتير من المدونات دى،خليكى قويه واثبتى،و اكتبى بنيه الاخلاص لله و ربنا يوفقك،اما ثانيا فأنا مقدرش ادخل مدونتى من غير ماعدى اصبح عليكى يا قمر،اوعى تحرمينا منك
اقرى قرآن واللا كملى كتاب بتقرأيه واللا حتى اقرى قصص اطفال للعيال
ايوة كدا ابو مازن عندة حق هو دا الكلام
الناس اللى خلوكى تفكرى كدا دول قلة على فكرة مهما كانوا كتير معرفش هم مين بس اى حاجة غلط
لازم تضايق الانسان الكويس بالشكل دا
ولازم نحاول نكون افضل ومنخلهاش تأثر علينا
كلامك صح كله وطمنى عليك عشان معنى انك بتقولية للمدونة انك بتحاولى تكونى احسن وتقتنعى بية
30 موضوع يا مفتريه فى4 شهور ايه ده رغى رغى رغى
انتى كدا لوك لوك لوك
امال احنا اية بقى
دا انا على اخر ال 4 شهور هيكونوا عدو ال 40
وفى مدونة واحدة بس من ال3 :)
انتى بس لوك لوك لوك واحنا معاكى دائما اصحاب ومتجمعين فى الخير وحب الله
الريدير مش بيقول على الموضوعات الجديدة عشان كدا بتأخر معلش
تقبلى مرورى
السلام عليكم
معلش مقدرتيش اكمل التعليق امس اكمل بقي
زعلتيني وخضتيني امبارح بس انا قريت التعليق لنهي وردك عليه
ورحت قرأت الموضوع الماضي
اقول كمان
دعي من مدونتك رسالة من المكن ان يهتدي بها الجميع
تحياتي
دمتي بحب وود وخير وسلام
لا متفكريش تقفلي المدونة
وعلى فكرة بقى هى اشتكلتى منك كتير
ولولا العشرة والماس والكى بورد اللى كسرتوهم مع بعض
كانت هتسيبك وتمشى
لأ وتخيلى
كانت هتجيلى انا
ترضى مدونتك تقع فى ايدى ؟
نياهاهاهااااا (ضحكات شريرة رنانة)
لو رأيتي مجموعه من مصاصي الدماء يبحثون عن فرد جديد ليتغذوا علي دمائه ويكون تابعا لهم
ماذا سيحدث إذ لم يجدوا بشريا نابضا بالدم ؟؟
سيرتحلون الي مكان أخر بحثا عن بشريا ينساق ورائهم
ليضمنون ولائه
وإن لم يجدوا سيموتون
وكذلك تلك العقول العفنه إذ لم تجد من يدعم فكرهم المتعفن فسيكونون كومضه أضاءت بجانب القمر
أضائت وانطفأت في لحظه ويدوم سطوح وضياء القمر
فإذا إنسحبتي من التدوين فقد حققتي لهم هدفا
وإذا تبعكي واحدا تلو الاخر ستتركون لهم الساحه
وتنتشر الغوغاء واضمحلال الفكر والفجور والكفر
وارباب العقول واصحاب الفكر ومريدوا الاصلاح يندثروا وينقرضوا
سيدتي هل فهمتي مقصدي الان؟؟
فسيري ورا القرارات النابعه من قلبك بتصريح من عقلك
دمتي بكل ود
في رعايه الله
سلام عليكم
مامة مازن..منوره
ايه الكلام الجميل الرائع اللى انت كتباه ده
انا كمان بكلم مدونتى زيك بالظبط..وبقعد اقول نفس كلام ابو مازن..ماالواحد يقعد يقرا قرءان احسن..ولا يخلص الكتب المرصوصه جنبه دى..لكن ااقول مانا محتاجه اكلم الناس والناس يكلمونى
واهو الواحد يفضفض بدل ما اقعد حاطه ايدى على خدى
واستفيد من راى الناس..لان زى مابيقولوا معرفة الناس كنوز..وان رايى ان معرفة الناس عبر وحكم
لان مش كل حاجه فى الدنيا فلوس..لا
دى الكنوز دى بالنسبالى عباره عن اراء وتعليم ومواعظ وخبرات ..يعنى نعيش حياوات كتيره بالاضافه لحياتنا كمان
الكلام كتير بس مش عايزه اطول عليكى
دمتى بكل خير..وان شاء الله ازورك دائما بعد ازنك
شكرا لك اخ حسام
شكرا اختى ميمايه هذا الكلام كتير قوى عليا
ربنا يكرمك ويعزك يا رب
بيسو بسنت ربنا يخليكى احنا فعلا زى ميمى ما قالت فى تعليقها اسرة واحدة ربنا يوفقككم جميعا
اهلا اختى احساس طفلة تنورى فى اى وقت تسعدنى زيارتك وشكرا على كلماتك الطيبة ربنا يهون عليكى غربتك ويفرحك ببنتك سومة يارب
شكرا ليكى ذكرى مسحت التعليق اللى فات بناء على طلبك اشكر اهتمامك بجد ربنا يخليلك اسرتك الصغيرة يارب والى الامام اختى
شكرا اخ محمد
شكرا جزيلا ربنا يوفقك
شكرا لك اخى الكريم زيزو فهمت مقصدك
شكرا لك ربنا ينور بصيرتنا جميعا
يا نهار ابيض منورة يا ماما سبتى مصطفى وجيتى تزورينى يا اهلا بيكى
كلامك سليم واتفق معكى سيدتى ربنا يبارك فى عمرك ويستجيب دعائك ويجعل مصطفى قرة عين لكم جميعا
شكرا جزيلا لكى
التعليق ده ليا انا بقى
مش عارفة اقولكم ايه شكرا جزيلا لكم جميعا
حقيقى مكسوفة من كرمكم ربنا يعزكم جميعا ويجعلكم وايانا من اهل الجنة يارب
طب الحمد لله انها ما اتقفلتش عشان الحق ازورها
وإن شاء الله المدونة تكون سبيل طيب لكسب الحسنات دوما
مجرد مدونة شكرا جزيلا
ازيك وحشتينى
بس ايه دة
ابو مازن الصراحة مش من حقه يزعل لان مدونتك من المدونات المحترمة الجميلة
ليه الناس دايما فاكرة ان القعدة على النت دايما مبتكونش مفيدة مهى زيها زى قراية الكتب او مشاهدة برامج مفيدة
اصل احنا بردو مبنتكلمش فى هيافات وحتى لو هيافات كل واحد بيعبر عن اللى جواه أيا كان
عموما ربنا يوفقك فيها
اصل المدونة من دول بتبئا زى عيل من العيال ههههههههههههه
غلاوتها من غلاوتهم
تقبلى مرورى
نونا اهلا بيكى بعد الغيبة الطوييييييييييييلة
منورة بجدوحقيقى ربنا يوفقك
إرسال تعليق