بسم الله الرحمن الرحيم
---------------------------
من تابع مدونتى قبلا يعرف انى اصلا مليش فى الكورة والرياضة عندى مفهومها اهم واكبر من ابعاد المستطيل الاخضر
اللى حصل امبارح مهزلة وخيبة ووكسة كمان خيبة قوية وشتيمة اتشتمناها كمصريين
هل الموضوع مرتب? هل غضب اعمى? ام هى خيبة وحاطة علينا ?
سؤال يطرح نفسه
الدورى لازم وعن كل بد يتلغى ووقفوا كل نشاط كروى ممكن الغاؤه كعقوبة للجماهير على عدم احترامها لبلدها وللشعب مش للرياضة ولا نفسها لان اللى ظاهر انهم معندهمش احترام اصلا اقل واجب كده
سمعت كده فى سركم ان حسام حسن لما واحد من التوانسة نزل الملعب فى مباراة الذهاب قال ايه لازم ناس تنزل رد ع اللى حصل هناك(تحريض ده واللا ايه)
فين اخلاق الرياضة وزغرطى يا ام فاروق
هناك 10 تعليقات:
معاكِ حق يا ماما والله ، على فكرة هي حاجة مقصودة علشان يشوهوا صورة مصر اللي كل العالم انحنى احتراماً لثورتها ، كلمة في سرك حسام حسن أصلاً كان ضد الثورة وعلى رأس قوائم العار
وحشتيييييييييييني أوي على فكرة هو انتي مش ليكي اكونت ع الفيس بوك ؟
السلام عليكم
انا بردو راي كدا بس مش عشان عقاب لجماهير كوره ...
اولا دول قبل ما يكونوا جماهير كوره ف دول هما الشعب المصري من الاخر يعني
احنا بنموت ف الفوضي
بس انا عايز الدوري يتلغي عشان نركز ف حجات تانيه اهم ...بقالنا كام سنه مركزين الكوره عيزين نجرب نركز ف حاجه تانيه مفيده الفتره دي
انا مش بس عايزه يتلغي السنادي لا اربع خمس سنين كدا
بصراحة اللى حصل ده مهزلة وهمجية
:(((( معرفش الحقيقة إيه بس أنا أكتر حاجة قهرتنى لما المدير الفنى بتاع تونس قال متوقعين إيه مش شعب شتم رئيسه وبيشتم الوزراء - الحرية عندهم يعنى فوضى أنا شفت ده فى مودرن سبورت مدش قالوا لى بجد عيطت جامد والعربية أمبارح والنهاردة جايبة صور البلطجة وفى الخلفية موسيقى لو سألتك أنت مصرى - حزنت كثيرا - مابقتش فاهمة وبعدين هو معقول حسام حسن حيضيع فرصة للفوز ده كان لسة فاضل 4 دقائق (أنا أهلاوية :)) - ده ألغاء الدورى خراب عليهم كلهم وبرضة الرياضة ديه بتوكل ناس كتيرة عيش مش بس اللاعيبة - تحياتى
طبعا دي مش اخلاق كرة دي اخلاق بلطجية ومحتاجين تتوقف البطولات مش بس المباريات تتلعب بدون جمهمور
ازيك يا سارة مرحبا بيكى مجددا هنا نورتى
مزاعم انها مقصودة انا مؤيداها جدا وانضم ليها ناس تانية من باب الهيصة والهبل اللا ارادى
الفيس بوء كان ليا عليه اكون وكل حاجة من سنتين ولغيته بناء على توجيهات وتوجسات وتخوفات وكل التات اللى تفكريها من زوجى لكن هقدم طلب تانى وارفقه بالدمغة ومعونة الربيع وباذن الله هيتوافق عليه وهبلغك باذن الله
سلامى
وعليكم السلام ورحمة الله وبركاته
استاذ/محمد
والله العظيم رايى كده برضه بس بيقولوا فى تصنيفات باين واللا ايه مينفعش الكورة تغيب عنها كده
بلاش احنا دى كبيرة قوى على 85 مليون خليهافى البعض بيموتوا فى الفوضى
شفقةواحسان ياهلا والله
دى دهولة بعيد عنكوا وكعبلة
منى بال ذات تقول شافت وسمعت يبقى صح
يادى المصيبة ويادى الشيلة ويادى الحطة راح على جمل وجه على بطة وكل ثورة واحنا طيبين
طب وهما هناك كانوا بيقولوا فى اللى عندهم شعر يعنى حاجة غريبة
متزعليش يا منمن امر الله علينا كده نعيش ونشوف الايام دى ولله الامر من قبل ومن بعد
ماما العزيزة نور
براوة عليكى وبرافو عليكى وممتازة وكل كلمات التشجيع الممكنة اقولهالك لرايك ده
إرسال تعليق