بسم الله الرحمن الرحيم
-----------------------------------
ايه اهم الايجابيات اللى حصلت فى حياتك من بعد 25يناير؟
لازم يكون فى حياتك شىء ايجابى عملته من بعد اليوم ده الى الان
اوتكون ضفت شىء جديد ايجابى مكنتش عملته قبل كده وعملته بعدها
والسؤال ده انطلاقا من مبدأعام عند المصريين دلوقتى ان مصر قبل 25غير مصر بعدها
ياريت اللى يزور المدونة يترك تعليق يجاوب فيه على السؤال من فضلكم
حقيقة بدور على اكتر احساس ممكن من الامل يدخل قلبى
الامل انا بدور على الامل فى عيون الناس وفى كلامهم وفى قلبهم واحساسهم وعقلهم وفى منطقهم وادراكهم للامور
انا بدور على الأمل
هناك 7 تعليقات:
أهم إيجابية حصلت في حياتي بعد 25 يناير : إني بطلت أحط راسي زيي زي 85 مليون مصري في الرمال ...قلت لاولادي إياكم تكونوا زينا ...انتم رفعتوا راسنا وخلتونا كلنا سياسيين وثوار ولو من بيوتنا ...كملوا مسيرتكم واوعوا اوعوا تفرملوا قبل ما حقوقكم ترجع كامله....تحياتي يا جميلة
نور العزيزة الطيبة كيف حالك؟ يارب تكونى بخير
شكرا ليكى لانك جاوبتى سؤالى
بداتى انتى سلسلة من اجابات باذن الله من مجتمع التدوين الرائع اللى كان سبب فى احساسى بالامل قبل الثورة واللى هيستمر باذن الله بعدها
الامل بتمسك بيه بكل قوتى رغم تشاؤم الكثيرين
أنا أتغيرت بقيت مش متفائلة بعد ماكنت شخصية متفائلة وبقيت عصبية جدا وحزينة جدا -
انا اهم حاجة ايجابية حسيتها بعد الثورة
انى بقيت امشي بفخر
واقول لكل الدنيا
انــــــــــــا مصـــــــــــــــري
كنت بقولها عادى الاول قبل الثورة يعنى
لكن بعدها بقولها بكل فخر
انـــــــــــا مصـــــــــــــــري
ومش خايف من بكرة
مش مهم مين هيحكمنى بكرة
لان مهما يكون مين اللى هيحكم
هيكون فى باله دايماً
ان
انــــــــــــا مصــــــــــــري
ومش هقبل بالظلم بعد النهاردة
اهم ايجابية اقباب الناس على الاستفتاء و احساسهم باهمية صوتهم
تحياتى
يزعلنى جدا ان انتى بالذات يا منى تبقى غير متفائلة لان كتباتك المختلفة وخاصةالرومانسية منها دايما كانت بتعطينى الامل فى الدنيا
يصعب عليا قوى احساسك ده وعلى فكرة كتيييييييييييير جدا عندهم نفس احساسك
عندى نفس الاحساس تقريبا بس بقاومه بكل قوتى
متشكرة جدا للاستاذ حازم النبراوى
والاستاذ ابراهيم
ارفع راسك اخى فقد مضى عهد الاستعباد
إرسال تعليق