بسم الله الرحمن الرحيم
احنا مستعدين نفحت فى الصخر جملة مصرية بحتة بتتقال فى الظروف الصعبة
احنا مستعدين فعلا نفحت فى الصخر ونستصلح ونزرع ونعمر ونبنى
احنا مستعدين فعلا نفحت فى الصخر علشان مصرنا تاخد مكانتها الجديرة بيها
احنا طاقة كبيرة وحلم كبير وهم كبير
احنا المصريين الجدعان قوى
اقتراح صغنن:
اللا هو مينفعش القصور او الفيلات او اى يكن مسمياتها اللى هتتصادر من ناس( تقريبا رجال اعمال او وزرا سابقين ) مينفعش ناخد منها ونعمل فيها دور للايتام اودور للمسنيين ينفع اعتقد انه ممكن ينفع
طيب ممكن نسكن فيها من هم بلا مأوى ممكن صح
طيب ممكن تبقى فى هيئة رسمية فى الدولة تتلقى اقتراحات الناس واحلامهم ونعرف ايه ممكن تحقيقة من اللى محتاج وقت شوية من اللى عايز تبرعات من اللى عايز عمالة من اللى عايز كذا
الخلاصة :
انى بحبك قوى يا مصر نفسى ملقاش فيكى محتاج نفسى مشوفش يتيم محتاج او ست عجوز محتاجة او مريض مش معاه فلوس علاج
الخلاصة:
انى بحبك قوى يا مصر ونفسى تبقى فى مكانة عالية قوى وان الحلم فيكى يبقى مشروع وممكن يتحقق
بحبك قوى يا مصر ونفسى نعدى الايام الصعبة عليكى وعلينا دى بخير
بحبك يا مصر وشايفاكى بتبسميلى وبتقوليلى حلمك واملك فى مستقبل ولادك هيتحقق بس اصبرى شوية
وانا كمان ببتسم لك وبقولك حاضر يا مصر مفيش عندنا أجمل من الصبر
بحبك يا مصر وعمرى ما فقدت ايمانى بيكى زعلت علشانك لكن عمرى ما زعلت منك
مستعدين نفحت فى الصخر علشانك يا مصر
مستعدين نفحت فى الصخر علشانك يا مصر
مستعدين نفحت فى الصخر علشانك يا بلادى
هناك 5 تعليقات:
ماما مازن أنا لم أقرأ مقالك - ولكنى هنا لأشكرك على تعليقك الذى تركيته لى وأشكرك على ثقتك فى
وحتى لا أطيل عليك
فأنا رأى من رأى هذا المقال أقريه ويمكنك حذف التعليق فيما بعد
تحياتى
http://www.almasry-alyoum.com/article2.aspx?ArticleID=289553
متشكرة جدا جدا جدا ليكى يا منى وربنا يريح قلوبنا جميعا يارب
مش مصدقه عينيا بجد
انتي فين ؟؟؟؟؟؟؟؟؟؟؟
الحمدلله على سلامتك
بجد وحشتيني
يارب يقدرنا على الخير في وقت كله فتن وشر ونزاع
العزيزة جدا ماما نور كيف حالك ؟
الله يسلمك ويبعد عنك كل شر
وانتى كمان والله
يارب اللهم آمين
This is very interesting, You're a very skilled blogger. I've joined your feed and look forward to seeking more of your magnificent post. Also, I've shared your website in my social networks!
إرسال تعليق