بسم الله الرحمن الرحيم
------------------------------------
نفوق بقى خلاص كفاية كده
بلاش اعتصامات بقى وبلاش مظاهرات وحياة الغالى عندكم
تعالوا نمشيها قانون
نخلى التحقيقات والقانون هو الحكم بينا
ورقهم دلوقتى فى ايد أمينة
التحقيقات ورا بعض والنطق بالحكم هيبقى ورا بعض
وهيقروا على بعض
وهيجروا بعض وهتبان لبة المواضيع كلها
صبرا قليلا بس
المهم الخطير ايه
مجلس الشعب اللى جاى
لازم نذاكر كويس ونعرف هنعمل ايه
مرشحنا مين
اصله وفصله ايه
برنامجه ايه
الملفات اللى هنديهاله ايه
عايزين منه ايه
منطقتنا او دائرتنا او محافظتنا
او مصر كلها عايزة ايه
يلا نحضر الاوراق والملفات
يلا نحضر الطلبات
مشاكل الدائرة ايه
نحصرها نعدها نرتب اولوياتها
بالارقام والصور والمستندات
لازم كلنا منكبرش دماغنا المرة دى
سبنا الملعب كتير فاضى واستسلمنا ليأسنا
الملعب بتاعنا والكورة كمان
اللى ييجى يلعب باصول اللعبة يا مش عايزينه
لازم نركز قوى فى مجلس الشعب اللى جاى
مش عايزة اقول انتخابات الرئاسة مقدور عليها
ميصحش اقول كده مينفعش اقول كده
بس المجلس اللى جاى أول واكبر واهم مهمة له
الدستور
العقد
مينفعش العقد يبقى مش تمام
او يذلنى ويهنى ويهمشنى
نو
لا
جاميه
اوكيه
نركز بقى
باقى من الزمن اقل من خمس شهور
هناك تعليق واحد:
أولا مرسى على تعليقك الرقيق والقلوب عند بعضها - أنا والله لسة كنت بقول كده فواحد من الزملاء قال لى لو 25 أبريل عدى على خير حيبقى كله تمام سألته فيه إيه تانى يوم 25 أبريل قالك مظاهرة للمطالبة برجوع الرئيس؟؟؟ كان أول مرة أسمع كده المهم - المهم قعدنا نكلم ونكلم وبعدين قلت له طيب لو مات تتصورى أحنا الأثنين فى نفس الوقت قلنا الثوار حيقولوا ديه مؤامرة علشان مايتحكمش ومؤيدوه حيقولوا برضة ديه مؤامرة شفتى التوتر والتخوف وصلنا لإيه ربنا يستر بجد الموضوع مابقاش لعبة ولا نكتة الموضوع بقى بلد بأيدينا بندمرها ولو لم نفوق حنغرق كلنا لازم نفوق وبسرعة ونفهم ونبقى على وعى وكل واحد يفهم التانى من العواقب مش وقت شماتة مش وقت نكت وهبل مش وقت أختلافات ده وقت النهوض بالبلد الحلوة الجميلة - موااااااه
إرسال تعليق