اللا صحيح قولولى اخبار توشكى ايه
توشكى الحلم توشكى الامل
يعنى وصلنا لايه
فشل واللا نجاح
الفلوس اللى اتصرفت جابت نتيجة
المفروض ان المشروع ده هيوفر فرص عمل كتير
والمفروض انه هيساعد على سد الفجوة الغذائية
وانه كمان هيبقى فى تصدير منتجات غذائية منه
وانه هيشجع على تعمير واسكان المكان ده فسيقل الضغط البشرى على وادى ودلتا النيل
هو بصراحة انا بقعد اقرأ وبحس بجهل وان زى ما يكون حد عايزنى اتوه
يعنى فلحنا واللا ايه
مش باين حاجة يقولك فى موقع وزارة الموارد المائية والرى ان المشروع ابتدى يؤتى ثماره
وان فى اكتر من 7 الاف و800 عامل شغالين و ان فى فعلا فواكه وخضروات وحاجات حلوة طلعت
طب ما احنا شوفنا الكلام ده زمان على التلفاز بامارة الوليد بن طلال لما كان ماشى جنب الريس
طب يعنى ايه اللى حصل كله تمام وميه ميه واللا ايه
طب ليه مفيش تقرير صريح من الجهة المسئولة تقولنا احنا وصلنا لفين
طب مشروعات الشباب لاستصلاح الاراضى عاملة ايه
طب مشروع تنمية سيناء عامل ايه
طب انتو قارفينا بانفلونزا الطيور والخنازير ومواجهة الارهاب والعلاقات الدولية وووووووو
حاجات كتير حاشيين حياتنا بيها وناسيين اخبار بلدنا احنا ايه
زمان كنت بحلم اعيش فى سيناء آه والله كان نفسى جدا يبقى عندى ارض هناك اعيش فيها
كان نفسى يبقى زى فكرة مزرعة.. البيت وسط الارض واربى معزة ويبقى عندى جاموسة
كان نفسى تبقى عيشة فل، ولادى فى المدرسة القريبة، مستشفى قريبة ،وزوجى يشتغل فى الارض دى
كان نفسى تبقى ارضى جنب ارض اخويا جنب ارض ناس تانية طيبة وبتشقى علشان حياة افضل
لكن فشل بعض المشروعات دى فى اماكن تانية سنه ورا سنه خوفنى
يمكن ميكونش الفشل منهم وده الاكيد
يعنى لما يبقى مفيش خدمات تساعدهم وفى نفس الوقت عليهم ديون يبقى النجاح بتقدير البشر العادى ضعيف جدا
طب يعنى مفيش صراحة ليه مفيش حد يقولنا الصراحة ليه مفيش متحدث رسمى زى اى بلد محترم باسم وزارة الزراعة او وزارة الرى او وزارة اى حاجة ليها علاقة بالموضوع
توشكى الحلم توشكى الامل
يعنى وصلنا لايه
فشل واللا نجاح
الفلوس اللى اتصرفت جابت نتيجة
المفروض ان المشروع ده هيوفر فرص عمل كتير
والمفروض انه هيساعد على سد الفجوة الغذائية
وانه كمان هيبقى فى تصدير منتجات غذائية منه
وانه هيشجع على تعمير واسكان المكان ده فسيقل الضغط البشرى على وادى ودلتا النيل
هو بصراحة انا بقعد اقرأ وبحس بجهل وان زى ما يكون حد عايزنى اتوه
يعنى فلحنا واللا ايه
مش باين حاجة يقولك فى موقع وزارة الموارد المائية والرى ان المشروع ابتدى يؤتى ثماره
وان فى اكتر من 7 الاف و800 عامل شغالين و ان فى فعلا فواكه وخضروات وحاجات حلوة طلعت
طب ما احنا شوفنا الكلام ده زمان على التلفاز بامارة الوليد بن طلال لما كان ماشى جنب الريس
طب يعنى ايه اللى حصل كله تمام وميه ميه واللا ايه
طب ليه مفيش تقرير صريح من الجهة المسئولة تقولنا احنا وصلنا لفين
طب مشروعات الشباب لاستصلاح الاراضى عاملة ايه
طب مشروع تنمية سيناء عامل ايه
طب انتو قارفينا بانفلونزا الطيور والخنازير ومواجهة الارهاب والعلاقات الدولية وووووووو
حاجات كتير حاشيين حياتنا بيها وناسيين اخبار بلدنا احنا ايه
زمان كنت بحلم اعيش فى سيناء آه والله كان نفسى جدا يبقى عندى ارض هناك اعيش فيها
كان نفسى يبقى زى فكرة مزرعة.. البيت وسط الارض واربى معزة ويبقى عندى جاموسة
كان نفسى تبقى عيشة فل، ولادى فى المدرسة القريبة، مستشفى قريبة ،وزوجى يشتغل فى الارض دى
كان نفسى تبقى ارضى جنب ارض اخويا جنب ارض ناس تانية طيبة وبتشقى علشان حياة افضل
لكن فشل بعض المشروعات دى فى اماكن تانية سنه ورا سنه خوفنى
يمكن ميكونش الفشل منهم وده الاكيد
يعنى لما يبقى مفيش خدمات تساعدهم وفى نفس الوقت عليهم ديون يبقى النجاح بتقدير البشر العادى ضعيف جدا
طب يعنى مفيش صراحة ليه مفيش حد يقولنا الصراحة ليه مفيش متحدث رسمى زى اى بلد محترم باسم وزارة الزراعة او وزارة الرى او وزارة اى حاجة ليها علاقة بالموضوع
طب يعنى مستقبل العيال ولادنا شكله ايه
حد يفهمنى لما احنا رقعة الارض الزراعية بتقل والناس بتكتر ومفيش بديل
ولما صرفنا مليارات على مشروع مش باين له اى نتيجة يبقى ايه العمل
بيضحكو علينا وبيقولو الشباب مش عايز يشتغل وعايز يقعد ع القهوة يستنى التعيين
الاغنية دى موضتها بطلت بطلوها انتو كمان بقى
لو فى صخر هيفحتوه ويجيب دخل هيعملو كده بس مش تقولو دخل قليل واللا ملوش تأمين لو حصلوا حاجة بالسلامة نشوف غيره
طمنه على نفسه واديله تمن تعبه وشوفه هيعمل ايه اديله سكن وقوله اتجوز هنا جنب المشروع
قوله مواصلاتك موجوده لو حبيت تشوف اهلك
مدرسة ابنك هنا ومدرسينه جاهزين
قوله المستشفى هنا وفيها علاجك موجود ومتوفر
قوله اتعب فى الارض وهتلاقى نتيجة تعبك قوله احنا مقدرينك مش مستخفين بيك
قوله اعرق فى الارض دى عرقك هيطلع خير
قوله انت ابنى مش هبهدلك بس اتعب علشانى شوية علشان نفسك علشان اخواتك
ياترى ياولادى مصر هيكون شكلها ايه لما تكونوا فى سن الشباب
ياترى يا مازن هيبقى كلك امل واللا هيبقى عندك احباط
يا ترى يا مريم هتقدرى تحققى حلمك واللا يا بنتى هتبقى برضه مثلنا دلوقتى
يارب يا حنان يا منان اصلح حالنا وحال ولادى وحال كل مسلم وكل من عاش تحت سماكى يا مصر
هناك 31 تعليقًا:
يمكن يكون كلامى مش واضح او مش مبين وجهة نظرى
او يمكن يكون ظاهره استسهال ابدا
رايى اللى ممكن يكون غلط وممكن يكون صح ان علشان مشروع ينجح لازم يكون مخدوم كويس يعنى خدماته متوفره علشان الناس تقدر تعيش علشان الناس تقدر تشتغل فيه ميبقاش ضحك على احلامهم وطموحاتهم
هى دى مشكلتنا
سوء التخطيط
ممكن نصرف كتير اوى على حاجة وبعدين بعد ما نصرف كتير اوى نكتشف انها كانت غلط من الأول
فى امثلة كتير اوى
عندنا
فى بلدنا المحروسة
د\ عرفه شكرا لك اخى
المشكل ان بلدنا متستحقش كده ومش حمل تجارب فاشلة
امممممممممم
انا رأيي ان مفيش فشل ولا نجاح
احنا عملنا حاجة ومكملنهاش واصلا متعملتش صح من البداية وزى ما انتى عارفة كل مسؤل فى بلدنا بيجى يبتدى من الاول وجديد محدش بيكمل وراء حد عشان كدا تلاقينا وقفين فى النص مش عارفين وصلنا ولا لسة
مستقبل اولادنا دا بقى مشكلة تانية غير مشكلتنا
لان انتى مطالبة تعملى مستقبل لنفسك ومستقبل كمان لاولادك دا لو مش عيزاهم يتعبوا فى البلد دى
صح احنا بنعلمهم ونربيهم وهنسيبهم يعتمدوا على نفسهم بس برضو لازم نخطط معاهم حياتهم ومننساش ان فى حاجات تانى بتاثر على تفكيرهم
ابسط مثال لما انتى قلتى بنوتك ساعات مش بتلاقى مكان ترمى فية برى القلم او ورق الحلويات دى حاجة هى اتربت عليها بس لما طلعت للمجتمع ملقتهاش مستقبل اولادنا زى كدا بالضبط علميهم كل حاجة صح بس اقفى معاهم فى مواجهة المجتمع
تقبلى مرورى
اهلابيكى اختى احساس طفلة
انا فعلا مش قادرة اعرف ان كان بدايته صح واللا ايه اللى كنت اعرفه وقرات عنه ان كان بادىء كويس
صحيح فى ناس قالت بلاش دا المنطقة دى درجة الحرارة فيها عالية فهيبقى البخر فيها عالى يعنى الترعة واللا المفيض ده مش هيكون صح بس الامور مشيت
اللى نفسى اعرفه نجح المشروع واللا لا بجد نفسى اعرف
احنا فعلا لازم نخطط مستقبل ولادنا يعنى نربيهم صح نعرفهم الصح فين والغلط فين نبقى استيكة بمعنى ادق نمسح بيها اخطاء غيرنا علشان متاثرش ع الاولاد
ادينا بنحاول نعمل منهم ناس محترمين يارب المحاولات دى تؤتى ثمارها لان ربنا يعلم مدى اخلاصنا فى كده
نورتى مامة سومه بوسه لسومه من خالتها مامة مازن
أختى مامة مازن
إجابة على سؤالك (اللاقولولى) ، مش هاقدر أقول لك للأسف الشديد غير............علمى علمك
"يارب يا حنان يا منان اصلح حالنا وحال ولادى وحال كل مسلم وكل من عاش تحت سماكى يا مصر"
آمييييين يا رب
تحياتى ليكى
برضه علمى علمك طب وبعدين ع العموم هدور برضه على حد يفهمنى واللا حد يكون عارف حاجة واكيد مش هبخل باللى عرفته على فراشتى الجميلة
ماما مازن
موضوعك قلب على الواحد المواجع
الواحد اصلا مش عارف يشوف مستقبله علشان يفكر ازاى هايكون المستقبل لولاده من بعده
بس الواحد يرجع ويقول اكيد فى أمل ان شاء الله
لو احنا اتعلمنا نخطط وننظم صح
ولو بتسالى على موضوع تشكى فللاسف من الواضح ان المشروع فشل لان اصلا كان فيه ابحاث كتير من ايام السادات وناصر بتقول ان المنطقه دى لا تصلح للاستصلاح الزراعى والوزير بتاع الرى السابق كان اتكلم من فتره قريبه فى الموضوع ده وعلشان كده اقالوه من الوزاره مؤخرا
كميه الملاين الى اتصرفت على ترعه السلام وكوبرى السلام علشان تغذى مشروع توشكى للاسف اهدروا فلوسها ومعرفوش يستغلوها صح
انا نفسى اعرف ليه مابندرسش الموضوع كويس قبل ماندخله
زى بالظببببط ما قلولنا اننا هانعمل لمفاعل النووى بتاعنا فى الساحل الشمالى وده افضل مكان ليه فى مصر وصرفوا على الابحاث دى ملايين
وكانت بعد الملايين المصروفه دى بتاعه الابحاث
انهم خصصوا الساحل الشمالى للمنتجعات السياحبه
ربنا يرحمنا من كميه الاستتار الى فى البلد دى
اهلا بيكى روح طفلة فى اول زيارة ليكى اتمنى متكونش الاخيرة ومرحبا بكى دائما
ماهو غصب عننا بنفكر فى مستقبل اولادنا لازم نعمل كده
بيصعب عليا قوى الحاجات دى ما اهو احنا اصلا مش حمل تجارب فاشلة مفيش فلوس لكده اصلا وبعدين اللى نبعذقه فى حاجة عليها كلام نخليه فى حاجة الكل اجمع على انها صح تقوم تجيب نتيجة وتجيب اللى اتصرف عليها وتجيب زيادة والخير يكتر لكن نقول ايه غير لنا الله عز وجل
اهلا بيكى ولا تحرمينا زيارتك الطيبة
فعلا حاجة تزعل والله ياماما
تحسي ان المشروع ده مات اصلا خلاص زي غيره وغيره...
نقول ايه سوء تخطيط .. اهدار موارد مادية وبشرية
كل حاجة مهدرة عندنا بس في سبيل ايه ؟؟
لنا ولشباب المصر الضائع حقهم الله
بس المشكلةفي الانتماء للبلد دي خايفة بعد شوية او يمكن هو حاصل اصلا دلوقتي
تلاقي شاب تعبان ومش لاقي بيقول مصر ايه .. عملتلي ايه ؟؟
ياتري مصر هتعمله ؟؟ ولا هتفضل متعملش الا ل ...
يايحقق املك في اولادك ويكونوا بألف خيررر بإذن الله واولاد المسلمين اجمين
وحشتينييييي بجد
اهلا بيكى غادة منورة جدا جدا
دى مش حاجة تزعل بس دى حاجة تغم وتسد النفس
يارب يستر علينا وعلى ولادنا
شوفى معظمنا بيحلم الحلم ده بس الدنيا والحكومة مش مساعدانا.يا ريت حد يتبنانا ويحقق لنا الحلم بدل ما بلدنا سايبانا نتبهدل فيها وغيرنا يتبهدل فى بلاد العالم وغيرنا يموت فى البحر وغيرنا وغيرنا....
والله احنا بلدنا فيها خير كتير قوى بس منهوب من أقلية
حسبنا الله ونعم الوكيل
بوسة ليكى وللولاد
دعاء ازيك كيف حالك هههههههههههههههه حد يتبنانا صحيح لكل اصحاب القلوب الرحيمة دا انتى عسل
فعلا والله بلدنا مليانة خير بس هو فين
تصدقي حاولت اجاوب علي اي حاجه في البوست ماعرفتش
حاولت اطمنك برضه ماقدرتش
بس هقول يارب
وكمان هقول علي دعائك امين
تصدقى انا كنت قربت انساها وانتى فكرتينى ،بالله عليكى لو عرفتى عنها حاجه قوليلى ،احنا مشكلتنا اننا بنبدأ مشروع وبعدين نسيبها على الله زى ماتيجى تيجى من غير خطط ولا اى حاجه ،هو صحيح كله بايد ربنا بس برضه بلاش التواكل ده عاوزين توكل اسعى ياعبد وانا اسعى معاك و لاايه....
اهلابيكى اختى شمس النهار نورتى المدونة والمدونات اللى حواليها
آمين يارب العالمين
لا تحرمينا زيارتك الطيبة
اهلا بيكى بيسو العزيزة
هو اكيد فى دراسة وكل حاجة بس مثلا مش متكاملة مش دارسين احتمالات الفشل كويس مش مستعدين للمفاجآت مش عارفة بالضبط بس مليارات اتصرفت وفين نتيجتها نفسى اعرف ايه اللى حصل نجحنا فعلا واللا ايه
يعنى الازمة اللى احنا فيها وغلاء الاسعار اللى احنا فيه ده له حل كنا فاكرين من كام سنه ان الحل ممكن واكيد هيكون فى توشكى لكن واقع اليوم بعد مرور السنوات الطويلة ايه
امى قالت زمان المشروع ده هيفشل قولتلها لا دا احنا ميه ميه وهينجح والناس مؤيداه قالتلى استنى بس كام سنة قولتلها اكيد لازم نستنى علشان مش هيتعمل فى يوم وليلة قالتلى صح بس هيتصرف عليه ومش هيجيب همه
دلوقتى طلع كلامك صح يا ماما وفعلا مش باين حاجة فعلا
نورتى يا بسنت ويارب تكونى دائما بخير
تصدقي بالله
انا نسيت حوار توشكى ده اصلا :))
مش هقدر اقول غير اللهم امين :)
وحشااااااااااااني
بحبك
هو لسه موجود ؟؟
انا نسيته اصلا ):
عموما اى حاجة بتتعمل فى البلد دى مش بتكمل
سوء تخطيط او سوء تنفيذ عدم خوف على البلد
عدم مراعاة الضمير و عدم وجود رقابة من الاساس
المستقبل الله اعلم هيكون ازاى
بس مش عارفة ليه حاسة انه هيكون افضل
ممكن لان البلد فى تدهور شديد ؟؟
اصل مش عارفة بحس دايما انها لما تضيق قوووى بتوسع قوووى
تفتكرى ده ممكن فى البلد دى ؟؟
انا عندى أمل ^_^
تعيشى وتفتكرى يا مامة مازن
تصدقى نيسناها خالص
دة اكيد انه حلم فاشل والا كان زمان جابوله سيرة فى نشرة الاخبار
اخبارك ايه يا سكر
مونى والله زمان يا مونى خطوة عزيزة ايه النور ده ايه افتكرتينا خلاص اه يا وحشة عارفة لو مكانش عذرك المذاكرة اااخ كنت زعلت منك
نورتى جدا وبجد وجديد ربنا يوفقك اختى الصغنونة العسولة
اهلا بيكى سويت فايوليت ومرحبا بكى دائما
ما زال عندى امل
مازال عندى امل
مازال عندى امل
نونا يا عسولة انتى حسستينى اننا فى سرادق عزاء هههههههههههههههه تعيشى وتفتكرى صحيح
الحمد لله يا اختى بخير اخبارك انتى ايه يارب دائما بالتوفيق
السلام عليكم
كان نفسي اخد حتة ارض زمان وعمرها لمن القدر غير كل الاحلام حتي الشغل كان نفسي اشتغل واتعب وابقي من الكادحين ويبقاش عندي دقيقة وحدة ابقي فاضية فيها
لكن سبحان الله بعاني من وقت الفراغ
ربنا يغير كل شيء ان شاء الله
علي فكرة توشي مشروع ناجح بس خيرها لبلاد برة
مش بنشوفه عينيا ولا ماديا
تحياتي
اختى ذكرى حلمك هو حلمى لكن الحمد لله ربنا يخلى الاولاد ماليين علينا حياتنا نعمة كبيرة قوى من ربنا
يعنى توشكى نجح وبيطلع انتاج وبيروح بره بره مين فين وليه وازاى وبكام وبيعملو ايه بالفلوس ما احنا مستنيين اى فرج اهوه اى فتحة اى وسع اف اف اف من اللى بيجرى ليكى يا بلدى اف
يا خراشى على وجع قلبى من اللى بيحصل فى بلدنا ما تستاهلش كده ابدا ابدا
يلا الحمد لله هانت برضه واكيد هيتصلح حالها فى يوم
منورة يا ذكرى سيبك انتى ازى ابنك النونو بوسيه وحضن جامد للكميل النونو ده
اختى العزيزة جدا
الواحد مش عارف يقولك اية على مدونتك الجميلة دىوعلى الافكار الاكثر من ممتازة اللى بتطرحيهافيها
فعلا حاجات كتير بتبدا ومبتنتهيش ولا بنسمع عنها تانىوفعلا بصين لبرة ومشكلات المحيطين ونسين مشاكلن او بيتعمدو ينسوهلنا
بس بردة الامل فى الله موجود طول مافى ناس حاملين هم البلد زيك
ام فرح وهنا
تحياتى لكى وللاسرة الكريمة
لولولولى ام فرح وهنا اخيرا عرفتى تسيبى تعليق
ميرسى يا حبى على كلامك الجميل ويارب دائما تنورينى بتعليقاتك الطيبة يا طيبة بوسى هنون وفيرو لولولولى تانى مرة
ياااااااااااااااااه توشكا توشكى توشكو
هى اسمها ايه تانى كدة ؟؟؟؟!!!!
:D:D:D
كفاية عليهم الهم وراهم مشاريع تانية اهم
الدنيا اتطورت يا جدعان وانتو لسا بتتكلمو فى توشكو توشكى توشكا معلش كدة اسمها ايه تانى؟؟؟ اسفة اصلى عندى الزهايمررررررررررررر يا بلد
احييكى على الموضوع يا ام مازن وربنا يوفقنا بس اهم حاجة حاولى من دلوقتى تشوفى مستقبل مازن ومريم
بس اوعى يكون فى ت و ش ك (ا،ى،و)
سلامو عليكو
اختى سومه اهلا بيكى وكويس ان الامتحانات خلصت علشان تنورينى تانى ربنا يوفقك
موضوعات مدونتك مميزة والى الامام
انا كويسة والحياة ماشية تمااااااااااااااااااااام اووووووووووووى كلها انغام ورومانسية وهدوء خالص خالص يعنى
يعنى هكون عاملة ايه
مطحونة فى الشغل
ازيك انتى يا سكر واولادك عاملين ايه ؟
ههههههههههههههههههههه
يارب دائما يا نونا بخير وسعادة ربنا يوفقك
إرسال تعليق