الأحد، 20 مايو 2012

حمدين صباحى

ليه حمدين صباحى
*******************
علشان محتاجين انسان مصرى يفكرنا بمصريتنا اللى شوهوها
عايزين واحد يكون فيه الرحمة والعدل.
عايزين قائد وقدوة للاجيال الصغيرة اللى بتتطلع لحد يكون مثل أعلى ليها
عايزين حد يديهم الامل انه واحد من الشعب ده آمن بيه وبقدرات ابنائه وانهم ممكن يعملوا المستحيل
احنا مش عايزين واحد يتمريس علينا بالبلدى كده ويقولنا فى 24ساعة وفى 100يوم
والكلام بتاع السلطات والباباغنوج ده
احنا عايزين برنامج انتخابى واضح المعالم، مفهوم ،آليات تنفيذه واضحة
هياخد وقت وماله بس باذن الله يتحقق
احنا عايزين قائد يفكر الناس بمصريتها الغالية وكرامتها العزيزة وروحها الطيبة
عايزين واحد حاسس بالناس عنده حلم نفسه يحققه
احنا مش عايزين جماعة تحكمنا احنا عايزين مجموعة رئيس وبرلمان قوى وحكومة قويةواصغر موظف فى ابعد مكان عن العاصمة قوى
احنا محتاجين ادارة قوية للدولة وكل واحد يفهم انه له دور فى مصر علشان نحاول نخليها احسن
احنا اخر يوم النهاردة فى الدعاية والصمت الانتخابى من بكرة 


كأم مصرية كل أملى فى الدنيا مستقبل أولادى يكون أحسن
هنتخب باذن الله الاستاذ المحترم المصرى الاصيل/حمدين صباحى


ملحوظة كبيرة قوى:
بالله عليك لو قرأت التدوينة دى وكنت ناوى تقاطع الانتخابات بلاش تقاطع
انتخب اختار واحد من ال13 بس بلاش فلول او اكثرية فى برلمان
وبعد كده اقرا البرنامج لكل واحد واختارلك مرشح 
مش معقول مصر تخسر صوت واحد من ولادها فى وقت هى محتاجاه فيه



هناك 4 تعليقات:

مامة مازن يقول...
أزال المؤلف هذا التعليق.
Bent Men ElZman Da !! يقول...

انا كمان ضد فكره المقاطعه
او اختيار حد من الفلول او الاخوان
بس مع القرايه والاقتناع ببرنامج كل مرشح
وكلنا اكيد بتمنى الاصلح والانسب للمنصب ده
لان المسئوليه عليه هتبقى مش بسيطه ولا سهله ابداااا

مامة مازن يقول...

حمدين صباحى رمز النسر

مامة مازن يقول...

أهلا بيكى دينا وشكرا لرأيك المحترم

المسئولية رهييييييييييييبة جدا بس نسأل الله يولى علينا الاصلح ولا يولى علينا ظالم ابدا يارب

شكرا ليكى دينا واتمنى تتكرر الزيارة نورتينى